Berisha: Të vërtetat tona janë certifikuar plotësisht nga raporti i OSBE/ODIHR

113 563 lexime

124,178FansaPëlqeje

Kryetari i grupit të Rithemelimit në Partinë Demokratike, Sali Berisha u shpreh sot se të gjitha të vërtetat tona janë certifikuar plotësisht nga raporti i OSBE/ODIHR-it.

“Ne me qytetarët po flasim me të vërteta dhe fakte, të cilat me kënaqësi konstatoj se janë certifikuar plotësisht nga institucioni i pavarur i zgjedhur nga komuniteti ndërkombëtar për të vëzhguar zgjedhjet në të gjithë hapësirën euroatlantike, në të gjithë hapësirën e OSBE-së.

Ne vlerësojmë se, çështjet themelore që paraqiten në këtë libër, në respektin më të madh të mbrojtjes së votës së qytetarëve dhe dënimit të kriminelëve elektoralë, janë pasqyruar në raportin e OSBE/ODIHR-it”, tha ai.

Berisha tha se “ne jemi zotuar përpara shqiptarëve se do mbrojmë votën”.

“Mbrojtja e votës është një proces. Ne kemi pasur parasysh qëndrimin tonë, që votën nuk e mbrojmë me armë, por ky raport ndërkombëtar, i cili pasqyron një për një çështjet më themelore të këtij libri të zi, kushtuar farsës elektorale të 14 majit, në 690 faqe të tij, dhe ju garantoj se do ketë një vëllim tjetër, për disa gjëra që do ua bëjmë të ditur më vonë, por janë të gjithë për mbrojtjen e votës”, tha ai.

Procesi i mbrojtjes së votës, sipas Berishës, “nënkupton vërtetimin e dhunimit të saj”.

“Procesi i mbrojtjes së votës nënkupton gjetjen e rrugëve për garantimin e votës së lirë.
Pra, në këtë kontekst, ne jemi në përputhje me atë që kemi deklaruar.

Ky raport ka një mesazh për shqiptarët: me Edi Ramën nuk ka zgjedhje, por ka farsë. Akti i djeshëm në parlament përbënte atentatin më të shëmtuar të narkoshtetit ndaj pluralizmit parlamentar në 32 vite.

Lexo edhe :  Veliaj vizitë në Tokio, do përfaqësoj presidencën e B-40, takime me kryetaren e bashkisë

Thelbi është me protesta të fuqishme dhe përpjekje të tjera komplekse. Me Edi Ramën nuk ka zgjedhje, nuk ka pluralizëm parlamentar. Ne do i mbrojmë ato”, shtoi ai.

Berisha tha se “nuk bojkotojmë sepse bojkoti do të thotë rikthimi i monizmit në qeverinë vendore”.

“Ne nuk e rikthejmë monizmin, përkundrazi do përpiqemi që këshilltarët tanë të kthehen në një zë të fuqishëm për qytetarët aty ku janë. Votëbesimi i kryetarit të PD-së, sipas statutit, më thonë se e paska Kuvendi.

Do bëhet siç thotë statuti. Unë jam i gatshëm edhe me anëtarësinë, nëse thotë Kuvendi, por natyrisht do respektohet statuti”, theksoi ai./  S.M

Të fundit

U përfolën se ishin ndarë/Jennifer Lopez e Ben Affleck shfaqen në krahët e njëri-tjetrit

Prej disa ditësh në shtypin rozë u përfol për një ndarje të mundshme midis këngëtares Jennifer Lopez dhe aktorit...

Operacioni i SPAK/ Arrestohet në Belgjikë rivali i Ervis Martinajt (Emri)

Në kuadër të operacionit të spak pas shkëmbimit të informacionit mes policisë shqiptare dhe asaj belge është bere e mundur arrestimi i Leonard Dukës. Ndaj...

Veliaj vizitë në Tokio, do përfaqësoj presidencën e B-40, takime me kryetaren e bashkisë

Kryetari i Bashkisë së Tiranës Erion Veliaj nis sot një vizitë të shkurtër në Tokio të Japonisë, ku do të përfaqësojë edhe rrjetin e...

Priten të tjera arrestime “VIP”, ja goditja e madhe që do të bëhet nga SPAK

Profesori i njohur, Ervin Karamuço ka treguar detaje të forta lidhur me megaoperacinonin e djeshëm të SPAK për personazhe të njohura të botës së...

8 konservat më të mira për humbjen e peshës

Kur bëhet fjalë për të humbur peshë, zgjedhjet e duhura ushqimore janë thelbësore. Ushqimet e konservuara mund të jenë një opsion i shkëlqyer për...

Lajme të tjera

Web TV