A është e mundur t’i rezistosh tundimit të tradhtisë ?
Psikologët dhe seksologët rekomandojnë të paktën tre strategji që zakonisht përdoren për të shmangur dorëzimin.
E para është të përmirësoni marrëdhënien në çift që zgjidhet më shpesh (sipas një eksperimenti të përdorur nga 75% e njerëzve), domethënë të investoni më shumë në marrëdhënien tuaj, t’i kushtoni më shumë vëmendje partnerit tuaj.
E dyta, e quajtur shmangie proaktive , konsiston në distancimin nga njerëzit e rrezikshëm dhe joshëse.
Së fundi, mund të jetë e dobishme të përdorni të ashtuquajturin përjashtim nga tundimi , domethënë të përqendroheni te ndjenja e fajit dhe ta detyroni veten ta shihni personin e tretë në një këndvështrim negativ.
Lajmi i keq? Në realitet, asnjë nga tre strategjitë nuk është sigurisht efektive, siç tregohet nga studimi i Universitetit të New Brunswick (Kanada) i cili i identifikoi ato duke intervistuar 362 çifte, të cilët më pas u kontaktuan përsëri pas disa kohësh për të kontrolluar nëse kishte pasur mashtrim.
Shkurtimisht, sipas ekspertëve, nëse lind dëshira është e vështirë t’i rezistosh asaj, ndaj është e nevojshme që të mos ekspozohet ndaj tundimeve, me një përpjekje vullneti. Një studim tjetër nga Universiteti Shtetëror i Floridës mbi çiftet hetero zbuloi se individët që ishin në gjendje të largonin vëmendjen nga imazhet e njerëzve tërheqës të seksit të kundërt kishin 50% më pak gjasa të tradhtonin. Finale: ata që nuk shikojnë përreth i rezistojnë tundimit (ndoshta)./ Përshtati në shqip nga Focus.it, E.T
