Katër ditë pas arrestimit të dhëndrit dhe dy masave kufizuese për Sali Berishën nga SPAK-u ka ardhur reagimi i parë i qeverisë Rama.
Pas mbledhjes së sotme të qeverisë Rama për të njoftuar vendimet doli ministrja Mirela Kumbaro, e cila u pyet në lidhje me aksionin e prokurorisë në familjen Berisha, por nuk pranoi që të komentonte direkt për rastin.
“Sikur e keni… në emër të qeverisë, ashtu sikur sa herë si anëtarë të qeverisë jemi pyetur për të gjithë vendimmarrjen e instancave të drejtësisë, SPAK-ut, apo institucioneve të tjera, ne nuk kemi bërë asnjëherë komente.
Respektojmë ndarjen e pushteteve. Më shumë se kushdo. Jo thjeshtë e kërkon Kushtetuta, por sepse ne, kjo shumica e ka themeluar, luftuar dhe punuar që ky sistem i drejtësisë, SPAK dhe gjykata të ngrihen dhe funksionojë në kushtet më të mira të mundshme. Në këtë kontekst.
Të gjitha janë veprime procedurale, nuk kemi komentuar dhe shoh arsye të bëj përjashtim në këtë rast” tha ajo.
Gazetarët këmbëngulën duke e pyetur nëse ka shkelje të ligjit për faktin se gjykata vendosi dy masa për Berishën pa i hequr më parë imunitetin, por Kumbaro kërkoi durim.
“Nuk jam as juriste dhe as nuk jam në profesion të lirë juridik. Jam anëtare e qeverisë dhe parlamentit, kam qenë deputete dhe anëtare e qeverisë kur është krijuar dhe votuar ky sistem, e kemi besuar, dhe kemi besuar që të funksionojë i lirë.
Duhet ta vlerësojmë dhe respektojmë këtë pavarësi të sistemit dhe të presim me durim dhe besim punën e SPAK-ut, në gjykatë dhe prokurori” tha ajo./ S.M
