Kryeministri Edi Rama e ka nisur këtë të enjte me një mesazh për të apasionuarit pas botës automotorëve e jo vetëm.
Me anë të një statusi në rrjetet sociale, Rama i njofton qytetarët për “Automotive Fair Albania”, e cila do të mbahet për 4 ditë radhazi në kryeqytet.
Konkretisht, kreu i qeverisë thotë se aktiviteti, i cili nis sot dhe përfundon në datën 29 tetor do të mbahet në Pallatin e Kongreseve, sheshin “Nënë Tereza” e sheshin “Italia”.
“Mirëmëngjes
dhe me ngjarjen plot adrenalinë, Automotive Fair Albania, që do të pushtojë kryeqytetin për 4 ditë në datat 26-29 Tetor, në Pallatin e Kongreseve, sheshin “Nënë Tereza” e sheshin “Italia” me evente motorsportive, autoshoë, duke mbledhur të gjithë të apasionuarit pas botës automotive e jo vetëm, ju uroj ditë të mbarë”, thekon Rama./ S.M
