Depozitat iu kthyen rënies në shtator, Euro ngelet dominuese

113 563 lexime

124,178FansaPëlqeje

Depozitat bankare iu kthyen sërish rënies në muajin shtator, pas rritjes së nxitur nga efekti sezonal gjatë muajit gusht.

Sipas statistikave të Bankës së Shqipërisë, depozitat e përfshira në përkufizimin e parasë së gjerë (që përjashtojnë depozitat e qeverisë, institucioneve të tjera financiare, të jorezidentëve, etj) në fund të muajit shtator kishin vlerën e 1.28 miliardë lekëve, në rënie me 4.5 miliardë lekë krahasuar me muajin gusht.

Me bazë vjetore, depozitat e përfshira në paranë e gjerë shënuan një rritje të lehtë me afërsisht 1%.

Rritja e dobët e depozitave bankare gjatë gjithë këtij viti është rezultat i disa faktorëve. Inflacioni i lartë i dy viteve të fundit vlerësohet se i ka ulur aftësitë e familjeve shqiptare për të kursyer.

Gjithashtu, politika fiskale shtrënguese që po ndjek qeveria, me mbajtjen e një suficiti buxhetor në nivele të larta, ka tërhequr sasi të mëdha paraje nga tregu, duke ndikuar rrjedhimisht edhe gjendjen e depozitave bankare.

Sidoqoftë, për shtatorin depozitat në monedhën vendase shënuan një rritje me 2.6 miliardë lekë, duke arritur vlerën e përgjithshme të 543.5 miliardë lekëve. Me bazë vjetore, vlera e depozitave në lekë ngelet në stanjacion, me një rritje prej vetëm 0.3%.

Ndërsa depozitat në valutë për shtatorin pësuan një rënie me afërsisht 7 miliardë lekë, duke zbritur në nivelin e 736.8 miliardë lekëve.

Një faktor tjetër me ndikim po aq të rëndësishëm në ecurinë e depozitave këtë vit është edhe kursi i këmbimit. Forcimi i ndjeshëm i Lekut ndaj Euros ka ulur vlerën statistikore të depozitave në monedhën europiane.

Duke pasur parasysh se rritja e depozitave këtë vit ka ardhur kryesisht në monedhën europiane, efekti i kursit të këmbimit në frenimin e rritjes së depozitave vlerësohet të jetë i konsiderueshëm.

Lexo edhe :  Hapen aplikimet për grantet shtetërore/ Cilat janë kategoritë që mund të aplikojnë

Aktualisht, kursi i këmbimit Euro-Lek është afërsisht 10% më i ulët krahasuar me një vit më parë, ndërsa gjatë gjatë vlerës zhvlerësimi i monedhës europiane arriti deri në 14% me bazë vjetore.

Kjo dëshmohet qartë edhe nga ecuria e depozitave në Euro, e shprehur në valutën europiane.

Në fund të shtatorit, depozitat në euro arritën vlerën e 7.19 miliardë eurove, në rritje me 79 miliardë euro krahasuar me muajin shtator. Depozitat në Euro ndodhen aktualisht në vlerën më të lartë historike.

Ndërkohë që depozitat në Lekë ngelen praktikisht në stanjacion, depozitat në Euro janë në rritje vjetore me 16.5%. Në 12 muajt e fundit, totali i depozitave në monedhën europiane është rritur me më shumë se një miliardë euro.

Rritja e lartë e depozitave në Euro është një tregues i Euroizimit të lartë të ekonomisë. Gjithashtu, rritja e depozitave në Euro dëshmone dhe ofertën e lartë të saj në tregun financiar, çka shpjegon pjesërishst edhe dobësimin e monedhës europiane në kursin e këmbimit me lekun./   S.M

Burimi: Banka e Shqipërisë

Të fundit

U tha se thumboi Arbana Osmanin për ‘Big Brother VIP’, reagon Dea Mishel

Një postim i Dea Mishel gjatë spektaklit të kaluar të 'Big Brother VIP Albania 3' shkaktoi disa polemika në...

A ka pasur Shqipëria Aleks Navalny-t e saj?

Nga Ylli Pata Historia e eleminimit të njeriut që mund t’i trondiste pushtetin Vladimir Putinit ka marrë sot kryeartikutjt e mediave kryesore në botë. Disa thonë...

“Duke shty procesin”, Rama shfaqet pas komisionerit Varhelyi, e shoqëron drejt…

Kryeministri Edi Rama ka ndarë në rrjetin social “Instagram” një foto ku shfaqet duke shoqëruar komisionerin e BE për Zgjerimin dhe Fqinjësinë, Oliver Varhelyi...

Berisha: Fondi prej 6 miliardë eurosh është “mollë e ndaluar “ për Shqipërinë

Gjashtë miliardë euro, ky është fondi që Bashkimi Evropian ka planifikuar të ndajë për Kosovën, Shqipërinë, Maqedoninë e Veriut, Malin e Zi, Bosnje e...

Veliaj në Njësinë 8: Hapja e partisë do na sigurojë fitore absolute për mandatin e katërt

Edhe pse na ndajnë një vit nga zgjedhjet parlamentare të 2025, Partia Socialiste në kryeqytet ka ndezur motorët për të siguruar një mandat tjetër....

Lajme të tjera

Web TV