Nga “të fortët e lagjeve”, lufta kundër drogës tek siguria, Balla tregon prioritetet

113 563 lexime

124,178FansaPëlqeje

Lufta kundër drogës dhe siguria janë prioritetet kryesore të Taulant Ballës si ministër i Brendshëm. I ftuar në emisionin “Real Story” me gazetarin Sokol Balla, ministri përmendi edhe “të fortët e lagjeve”, ndaj të cilëve tha se kanë ndërmarrë një qasje tjetër për t’u treguar se nuk mund të mbetet të pandëshkuar.

Pjesë nga diskutimi:

Ajo që më bën përshtypje, ju flisni në aksionin në qelizë, pra që prekin realisht interesat e qytetarëve. Ka pasur ulje të ndjeshme të aksidenteve rrugore, çka tregon që policia është mobilizuar ndryshe. Por kjo nuk ka ardhur duke ndryshuar krerët e policisë. Ju keni ruajtur strukturën drejtuese të policisë, I keni lënë autoniminë e duhur. Nëse e krahason me një vit më parë e vetmja gjë që ka ndryshuar është ministri, ose më saktë mënyra se si ministria ka koordinuar punën me strukturat e policisë. Çfarë ka ndryshuar? Modeli juaj duket ndryshe, por na shpjegoni pak se si është ai.

Unë mendoj që roli i ministrit, në çdo lloj ministrie është hartimi i politikave, vendosja e prioriteteve. Edhe me publikun por edhe me ju kam i qenë i qartë për prioritetet në ministrinë e brendshme. Prioriteti i parë, përveç pjesës së sezonit turistik, të gjithë ndajmë besimin se këtë vit, deti dhe bregdeti këtë vit ishte më i sigurt se vitet e kaluara, për shkak të rritjes së prezencës, pas jush keni edhe jet ski e përdora nga policia shqiptare, janë risia që solli ndryshimin dhe duhet të konsolidohet ndër vite. Deti i takon pushuesve. Unë iu fola për luftën ndaj fenomenit të drogës, është një betejë që zhvillohet në çdo vend. Sekretari Blinken ka inicuar krijimin e një koalicioni global kundër drogës me fokus të veçantë drogërat sintetike.

Në SHBA ka një numër alarmues të personave që gjejnë vdekjen për shkak të mbidozës. Në 2022 janë 110 mijë persona që kanë humbur jetën nga mbidoza, ku 2/3 e tyre vjen për shkak të një droge sintetike të quajtur fentanyl. Ne nuk jemi ende në këtë fazë, dhe prandaj qëllimi dhe objektivi im është që ne ti dalim përpara kësaj situate, sepse edhe kanabisi, që konsiderohet në një pjesë të vendeve legal, unë mendoj që është i dëmshëm. Sjell varësi dhe çon në nevoja për të përdorur edhe drogëra më të forta. Në këtë aspekt ky është një prioritet që është sistematik dhe do vijojë të jetë i përditshëm. Prioritet tjetër është lufta kundër krimit të organizuar. E vërteta është se shqiptarët, ajo që i shqetëson më shumë janë këta tipat që i quajmë ‘të fortët e lagjeve’, ndaj të cilëve kemi ndërmarrë një qasje shumë vëzhguese hap pas hapi që këta ta kuptojnë se koha kur këta, bënin dëme në komunitetet e tyre ka përfunduar./I.S

Të fundit

Arabia Saudite nënshkruan blerjen e 105 avionëve Airbus nga Franca

Kompania Saudia Group do të blejë 105 avionë pasagjerësh Airbus, teksa ngrinte lart marrëveshjen si më të madhen e...

Mbyllet dega e një banke serbe në veri të Kosovës, shpërndau pagesat e Beogradit

Autoritetet në Kosovë njoftuan të hënën (20 maj) se kanë mbyllur gjashtë njësi të “Bankës Postare Kursimore” të Serbisë në veri të vendit, institucion...

Për të patur flokë të bukur e të shëndetshëm, këto janë 9 ushqimet që duhet të konsumoni

1.Vezët Vezët janë të parat në listë për flokë të shëndetshëm sepse ato përmbajnë shumë proteina dhe biotinë, por edhe shumë lëndë të tjera ushqyese...

“Politikanët që kanë bashkëpunuar me grupet kriminale janë të tmerruar nga SPAK!”

Ish-prokurori Shkëlqim Hajdaraj i ftuar në një emision televiziv, foli për goditjen e shtatë grupeve kriminale nga SPAK. Ai tha se politikanët që kanë bashkëpunuar...

SPAK godet krimin/ Karamuço: Grupet mund të kundërpërgjigjen dhe të cenojnë sigurinë

Eksperti i kriminalistikës, Ervin Karamuço, i ftuar në Real Story, tha se pas aksionit të SPAK është rritur shqetësimi se grupet kriminale mund të...

Lajme të tjera

Web TV