Një nga gjërat që kemi mësuar në rrugën e vështirë në dy vitet e fundit është se mbajtja e shumë kafshëve së bashku pa kontrolle shëndetësore është jo vetëm mizore dhe çnjerëzore, por edhe e rrezikshme, sepse “mbledhjet” e këtij lloji janë terreni perfekt për mbarështimin e sëmundje që zhvillohen te kafshët dhe më pas “kërcejnë” te njerëzit.
Një studim i ri nga Universiteti i Kembrixhit zbulon një detaj që ne nuk e dinim ende në lidhje me një sërë kafshësh ferme: mishngrënësit, të cilët kanë një sistem imunitar që i bën ata më të prekshëm ndaj infeksioneve të caktuara dhe për këtë arsye më të rrezikshëm edhe për ne njerëzit. Rezultatet e studimit janë publikuar në Cell Reports .
MISHNGRËNËS PA PROTEINA. Kur mendojmë për kafshët e fermës, mendja jonë shkon menjëherë te ripërtypësit e mëdhenj (lopë, dele, dhi), ose ndoshta te kuajt, derrat ose zogjtë e caktuar. Megjithatë, harrojmë se ka edhe shumë mishngrënës që rriten për arsye nga më të ndryshmet: shembulli më i lehtë është ai i vizonit, i përdorur si kafshë gëzofi, si qentë dhe macet.
Clare Bryant, autorja e parë e studimit, dhe ekipi i saj kryen një analizë të gjenomit të këtyre kafshëve dhe zbuluan një detaj të panjohur më parë: të gjithë mishngrënësit (ose të paktën ata që ne edukojmë ose mbajmë si kafshë shtëpiake) kanë tre gjene të veçanta të cilat janë të çaktivizuara . dhe për këtë arsye nuk e kryejnë detyrën e tyre, që është të prodhojnë proteina të veçanta, të quajtura inflamazome , të cilat janë themelore për luftimin e inflamacioneve të ndryshme – në këtë rast ato të sistemit tretës.
TUBIMET E RREZIKSHME. Sipas Bryant, dieta e këtyre mishngrënësve ka një përmbajtje të lartë proteinash, dhe për këtë arsye ka veti të mjaftueshme anti-inflamatore për të kompensuar pasivitetin e këtyre tre gjeneve. Kjo do të thotë se kafshët janë të mbrojtura nga sëmundjet, por lehtë mund të bëhen bartës asimptomatikë; patogjenët e “strehuar” te mishngrënësit kanë, ndër të tjera, mundësinë e mutacionit të pashqetësuar, madje, në disa raste, edhe të kërcimit nga kafshët te njerëzit. Kjo nuk do të thotë se qentë dhe macet janë inkubatorë të rrezikshëm të pandemive të reja: problemi lind kur sasi të mëdha mishngrënëse jetojnë të grumbulluara së bashku në një hapësirë të vogël për shembull, ka potencialin të bëhet një rezervuar i zoonozave të mundshme./ Përshtati në shqip nga Focus.it, E.T.
