Tash e gjetëm kush me na i shkund ullinjtë

113 563 lexime

124,178FansaPëlqeje

Nga Frrok Çupi

Kurbinasi ishte ngulur në ekranin ku shfaqeshin lajmet me figurën e deputetëve që vareshin nga kangjellat metalike që rrethojnë selinë e Kuvendit, deri te lavjerrja për në dritaren e selisë.

Ky burri që kishim lënë për kafe sot paradite, ishte ngritur herët në Kurbin.

Shtëpia e tij, e vjetër sa Shna Ndou, ndodhet pak më përtej Kishës së Laçit. Është i heshtur, me sytë si dy shkëndija dielli, pak mustakë, me këmishë të bardhë si në verë si në dimër, duket pak i kërrusur sepse është i gjatë…

Emrin nuk dua ta them, se e kam mik, nuk e kisha si këdo që kam shkuar për ta intervistuar dhe i them ‘fol tani, se po regjistrohesh’.

Lokali ku lamë për kafe kishte në mure dy ekrane të dy televizioneve të ndryshëm. Ai përballë kurbinasit e bënte burrin e ardhur që, herë- herë, të priste bisedën dhe të rudhte ballin për andej nga ekrani. Iu bë sikur e teproi me ndërprerjet e shkurtra dhe në një moment e ndërpreu fare. O ra heshtje, o ma la mua që të them ndonjë gjë.

Por thuajse heshtja u bë më e fortë se fjalët. Ai pastroi pak zërin, lëvizi shpatullat sikur po ngrihej, dhe më thotë:

-Tash po… Tash e gjetëm kush po na i shkund ullinjtë këtë vit!

Kurbinasi ishte ngulur në ekranin ku shfaqeshin lajmet me figurën e deputetëve që vareshin nga kangjellat metalike që rrethojnë selinë e Kuvendit, deri te lavjerrja për në dritaren e selisë.

5 a 6 deputetë të pjesës Foltore të PD, të përjashtuar nga seancat e Kuvendit dhe komisionet, për shkak të sjelljeve të padenja ligjërisht, iu sulën sot ushtarëve dhe zyrtarëve të Gardës që ruanin selinë, hipën mbi hekura dhe nëpër korniza dritaresh, derisa ia dolën të shfaqen të lumtur nëpër dritare. Ishte një pamje e shëmtuar, shumë neveritëse.

Lexo edhe :  Një opozitë që e do drejtësinë si “videomontazhet” e Salianjit

Miku im me mua në kafe e kishte parë me një sy tjetër; jo aq keq sa e shikojnë shumë qytetarë si ‘turp për këta’. Jo, ky është i menduar dhe i mençur.

“Tash e gjetëm kush po na i shkund ullinjtë këtë vit”, tha hidhët, duke drejtuar dorën për andej nga ekrani.

Burri ishte mrrol pak teksa shihte burrat varur pantallona nëpër duar të tjetrit përmbi hekurta të mprehta që të mos hyjnë gjallesa të egra.

-Po më duket se këta na duhen vetëm për atë punë, për ullinjtë- tha prapë ai. Dhe nisi ta bëjë si një tregim këtë që tha:

-Kam nja njëzet rrënjë, poshtë në fushë të Laçit- tha. Po kush i vjel këtë vit? Fshatarët, edhe kush ka mbet, nuk të vjen më për të shkundur ullinjtë. Punë e rëndë, duhet të ngjitesh degë më degë, të shqyesh lëkurën… Pa le që tani, edhe po të erdhi dikush, të kërkon vegla moderne për shkundje. Kurrkush nuk hip më në majë të ullirit, të thonë se nuk punojnë më ‘në manual’…, tha burri, si i menduar se si do ta bëjë këtë vjeshtë.

… E mori edhe një herë lugën, s’e mbante mend a e kishte mbaruar kafen, dhe bëri sikur përziente sheqerin. I ishte skuqur fytyra, siç ndodh kur të zë turpi i tjetrit.

I bëra me shenjë kamerierit edhe për një kafe tjetër…  /   S.M

Të fundit

Ndyshimet që ndodhin në trupin tuaj nëse konsumoni xhenxhefil për një muaj

Xhenxhefili është një nga erëzat më të fuqishme të globit. Atë e gjejmë të freskët, të thatë e në...

Çfarë ndodhi? Zarf i zi në BBV! Ngjarja që tronditi banorët

Një tjetër ngjarje e pazakontë ka tronditur ditën e sotme shtëpinë më të famshme në Shqipëri. Sara dhe Françeska thuajse kanë përfunduar në një përplasje...

Pse të gjithëve u pëlqejnë thashethemet?

Fundi i dashurisë mes Tottit dhe Ilary Blasi është vetëm shembulli i fundit i mrekullueshëm. Edhe dy njoftime për shtyp (një, padyshim) trumbetuan kudo për...

“Ke rënë brenda ore kafshë”, Silvi-Romeos: S’po bëj lojë, më pëlqen Erjola

Gjatë një bisede në BBV3 Romeo ngacmon Silvin për Erjolën. Ai dhe Julia e pyesin nëse vërtet ka pëlqim për të apo thjesht e...

Trump shënon sërish fitore, nuk ndal sulmet për kundërshtarin e mundshëm Joe Biden

Donald Trump fitoi një sërë garash presidenciale republikane të shtunën, duke iu afruar më shumë faktit i të qënit kandidati i partisë në zgjedhjet...

Lajme të tjera

Web TV