Një pandemi e dyte/ COVID i dha përparësi

113 563 lexime

124,178FansaPëlqeje

Nga JÜRGEN STOCK – Këtë javë në Vjenë, në takimin vjetor global të drejtuesve të policisë nga e gjithë bota, kudo qoftë në grupe të grumbulluara në korridore apo dhe në sallën kryesore të takimit, çdo oficer i zbatimit të ligjit do të flasë për një gjë: Rritjen shpërthyese të krimit të organizuar transnacional.

Dhe mos mendoni se këto janë vetëm shqetësime në komunitetin dhe vendin tuaj, kjo po ndodh globalisht.

Pandemia e COVID përshpejtoi ndryshime të mëdha shoqërore, dhe askund më shumë se te krimi i organizuar transnacional.

Grupet kriminale anembanë botës po përdorin rrjetin e errët dhe mjete të tjera për të krijuar një model krejt të ri biznesi, pasi kohët e kodeve të heshtjes (shen red: Omerta) mes grupeve të lidhura ngushtë kanë kaluar; këto grupe kriminale as nuk e dinë se me kë po punojnë dhe po i bëjnë lidhjet anonime në internet.

Ata po kontraktojnë jashtë, krijojnë partneritete, bashkojnë aktivitete të ndryshme kriminale. Ata po zgjerojnë tregjet globalisht, ndërsa operojnë nën radar dhe shpesh të pazbuluar, duke minuar njëkohësisht sundimin e ligjit dhe demokracinë në ato vende.

E gjithë kjo është mundësuar në internet, por ne po shohim gjithashtu rritjen e krimit në internet, që kryhet në një vend dhe shfrytëzimin e njerëzve në një tjetër; krimi kibernetik është kthyer në një shërbim “delivery” që paguhet njësoj si një vakt ushqimor.

Njerëzit vulnerabël janë në shënjestër çdo sekondë të ditës për kursimet e tyre të jetës nga mashtrimet dhe hakimet e fjalëkalimeve.

Çfarë duhet të bëjë një oficer i policisë lokale për një kriminel që është 7000 milje larg?
Në fakt, çfarë synohet të bëjë shërbimi policor edhe nëse ka burimet më të mira për një kriminel që vepron në mënyrë anonime në një kontinent tjetër?
Asnjë organ i vetëm ligjzbatues, asnjë grupim rajonal, askush nuk mund ta trajtojë vetë këtë shpërthim të krimit të organizuar.

Lexo edhe :  Bonusi i bebeve/ Janë shpenzuar 148 mln €, gati gjysma i kanë marrë ata që jetojnë jashtë

Grupet ndërkombëtare të krimit të organizuar po shfrytëzojnë marrëdhëniet e vështira midis vendeve, po shfrytëzojnë konfliktet dhe po shfrytëzojnë faktin që investimi i forcave të rendit në teknologji është tejkaluar ndjeshëm nga kriminelët.

Në një botë të copëtuar, një mesazh uniteti më i madh global është sfidues, sepse pa shkëmbime informacioni pa bashkëpunim dhe pa i dhënë çdo oficeri policie në çdo komunitet mjetet për të njohur dhe trajtuar krimin e organizuar transnacional, asnjë vend në botë nuk mund të përballojë këtë sfidë i vetëm.

Kjo është arsyeja pse, sot më vonë në konferencën vjetore të INTERPOL-it, ne do të lançojmë Deklaratën e Vjenës.

Kjo do t’u bëjë të qartë liderëve të botës, në emër të oficerëve të tyre të policisë, se pa e trajtuar këtë shpërthim, këtë pandemi të dytë, këtë krizë të krimit të organizuar transnacional si një krizë të përbashkët globale të sigurisë kombëtare, asnjë nga komunitetet tona nuk do të jetë i sigurt.

Kjo epidemi mund të trajtohet vetëm me veprim urgjent, të koordinuar global, bashkëpunim më të madh midis vendeve dhe rajoneve dhe duke investuar në teknologjinë e përbashkët. Gjendja e rrezikshme e sigurisë globale do të thotë se bashkimi i botës është tani urgjent.

Bota përballet me shumë sfida, ndryshimet klimatike, tensionet gjeopolitike dhe konfliktet rajonale dhe do të jetë joshëse për liderët të shpresojnë se dikush tjetër do të gjejë një zgjidhje, por kjo nuk do të ndodhë. Ne mund ta trajtojmë këtë shpërthim të krimit të organizuar transnacional vetëm nëse të gjithë bëjmë pjesën tonë.
Detyra e parë e një shteti është të ruajë njerëzit e tij të sigurt. Pa unitet në adresimin e këtij kërcënimi dhe adresimin e tij tani, ai do të jetë përtej mundësive të zbatimit të ligjit dhe agjencive të sigurisë në botë./O.S

 

Të fundit

SPAK ‘frenon’ rritjen e çmimeve të apartamenteve

Pastrimi i parave të krimit të organizuar, investimet në pronat e paluajtshme, mbetet mënyra kryesor për pastrimin e parave...

‘Katunar pa pretendime dhe i padukshëm’/ Ku e sheh veten kryeministri Rama pas 20 vitesh

Ku e sheh veten kryeministri Edi Rama pas 20 vitesh? Në podcastin ‘Flasim’ ku kishte të ftuar këngëtarin Alban Skënderaj Rama tregoi “Duke u marrë me...

Teknologjia e shëndetit/ Inteligjenca Artificiale do vizitojë njëlloj si një mjekët

Inteligjenca Artificiale do t’ju vizitojë njëlloj si një mjek. Inteligjenca Artificiale është shumë premtuese në kujdesin shëndetësor. Por ajo gjithashtu përballet me pengesa të...

“Do e gjej forcën në dhimbje”, çfarë shkruante në rrjetet sociale efektivja që u vetëvra

Një ngjarje e rëndë tronditi Tiranën pasditen e së premtes, ku 21-vjeçarja Aldorjana Loshi, efektive në komisariatin nr.5 në Kamëz i dha fund jetës...

Media franceze ‘Grazia’: Shqipëria, destinacioni më i kërkuar nga pushuesit në 2024-n

Shqipëria, është një destinacion i ri që ka mahnitur çdo turist të huaj, por që mbetet ende shumë pak e njohur për publikun e...

Lajme të tjera

Web TV