test

“Viti 2023, më i vështiri për Kosovën/ Osmani: Me sulmin në Banjskë,Serbia dëshmoi planet

113 563 lexime

124,178FansaPëlqeje

Presidentja e Kosovës, Vjosa Osmani, e ka cilësuar vitin 2023 si vitin më të vështirë për Kosovën sa i takon sigurisë në vend.

Në fjalimin e saj vjetor para deputetëve të Kuvendit të Kosovës, Osmani u shpreh se Kosova më 24 shtator u përball me “situatën më të vështirë që nga pavarësimi”.

“Sulmi i armatosur në Banjskë ishte vetëm një paralajmërim se Serbia nuk do të heqë dorë nga planet e saj të errëta”, tha Osmani.

Gjatë fjalimit, i cili u bojkotua nga deputetët e partive opozitare, Partia Demokratike e Kosovës dhe Aleanca për Ardhmërinë e Kosovës, presidentja ka akuzuar Serbinë se qëllim ka destabilizimin jo vetëm të Kosovës, por të tërë rajonit të Ballkanit Perëndimor.

“Një grup terrorist e paramilitar, i financuar, trajnuar e mbështetur nga Serbia, e mbi të gjitha i urdhëruar nga lidershipi i këtij shteti, kreu akt agresioni me planin e qartë që të aneksohet veriu i Kosovës dhe të shkaktohet destabilizim, jo vetëm i vendit tonë, por i gjithë rajonit”.

Sipas saj, “Kosova do t’i mbrojë kufijtë e saj në çdo cep dhe me çdo kusht”.

Më 24 shtator, një grup i armatosur i serbëve sulmoi Policinë e Kosovës në Banjskë, në veri të Kosovës, dhe vrau rreshterin Afrim Bunjaku. Më pas, në shkëmbimin e zjarrit mbetën të vrarë tre sulmues serbë.

Radojçiç mori përgjegjësinë për sulmin në Banjskë, duke pohuar se ai “personalisht” e ka organizuar sulmin dhe të gjitha përgatitjet logjistike, dhe se nuk ka informuar askënd për ato plane.

Kosova akuzoi Serbinë se qëndron pas sulmit, gjë që Beogradi zyrtar e mohon. Presidentja e Kosovës ka thënë se sulmi në Banjskë ka prekur padyshim edhe progresin në dialogun e Brukselit për normalizim të marrëdhënieve në mes të Kosovës dhe Serbisë.

Ky proces, sipas Osmanit, në vazhdimësi është duke u penguar nga, siç i quajti ajo, obstruksionet e shtetit të Serbisë kundër Kosovës. Ajo kritikoi komunitetin ndërkombëtar për vendosjen e masave sanksionuese ndaj Kosovës.

Lexo edhe :  Greqia kërcënon Maqedoninë e Veriut: Do të ketë probleme në NATO dhe BE

“Mungesa e balancit dhe qasjes së trajtimit të pabarabartë në dialog i ka bërë dëm jashtëzakonisht të madh këtij procesi. Kosova ende përballet me masa të padrejta dhe joproporcionale, të cilat prekin drejtpërdrejt interesin e qytetarëve të saj”.

Në të njëjtën kohë ishte kritike për mosvendosjen e masave të tilla edhe për shtetin e Serbisë, që, sipas saj, ka qëllim kryesor destabilizimin e Kosovës dhe rajonit.

“Në anën tjetër duke mosvendosur masa ndaj Serbisë për aktin e agresionit të 24 shtatorit dhe për sulmin ndaj ushtarëve të KFOR-it dhe gazetarëve përgjatë majit, për fat të keq, ky shtet vetëm po inkurajohet të vazhdojë të përdorë dhunë”.

Presidentja Osmani tha se “një trajtim i tillë i pabarabartë do të jetë një goditje për vet kredibilitetin e procesit të dialogut dhe pengesa kryesore për progresin e këtij procesi”.

Duke iu referuar draft-statutit për Asociacionin e komunave me shumicë serbe në Kosovë, Osmani ka thënë se për këtë draft vlerësimin final duhet ta japë Gjykata Kushtetuese e Kosovës.

Por, para se të ndodhë kjo, Osmani ka ftuar të gjitha partitë politike në Kosovë që të ulen së bashku dhe të shkruajnë komente të përbashkëta.

“Qëllimi ynë i përbashkët duhet të jetë që të sigurojmë përputhshmëri të plotë me Kushtetutën e Kosovës dhe të mos lejojmë një pushtet të ndërmjetëm të qeverisjes apo anomali të tjera, të cilat rrezikojnë funksionimin e brendshëm të shtetit tonë”.

Në fjalimin vjetor të presidentes morën pjesë edhe ambasadorë të akredituar në Kosovë, përfshirë ambasadorin e Shteteve të Bashkuara të Amerikës, Jeffrey Hovenier./O.S

Të fundit

Luiz Ejlli merr vëmendje me veprimin e tij në videon e fundit pranë Kiarës

Çifti Luiz-Kiara së fundmi janë me pushime ne jug te Shqipërisë ku po i shijojnë edhe me të voglën...

E pazakontë/ Gruaja gjysmë e zhveshur dhunon shoferen e një automjeti (VIDEO)

Një ngjarje e pazakontë ka ndodhur në një autostradë në Dallas, ku një grua gjysmë e zhveshur filloi të dhunonte fizikisht drejtuesen e një...

Hotelet në informalitet/ 2.3 mln turistë në 4 muaj, vetëm 13% të deklaruar

Më shumë të huaj që vizitojnë vendin tonë po flenë në strukturat akomoduese. Të dhënat e fundit të INSTAT, tregojnë se vetëm në muajin...

Ngriti skemë mashtruese me TVSH/ Ja sa vite burg do të vuajë 46-vjeçari Erion Berberi

Gjykata e Sarandës ka dënuar me 6 vjet heqje lirie 46-vjeçarin nga Tirana, Erion Berberi. Vendimi është dhënë 4 ditë më parë nga Gjyqtari Mikel...

Shpallet qeni më i ‘shëmtuar’ në botë, ja shpërblimi që mori pronarja

Një qen në SHBA është titulluar si më i shëmtuari në botë. “Wild Thang” që është 8 vjeç e ka fituar garën për Qenin më...

Lajme të tjera

Web TV