“Mos u lut” por mëso si mund ta mposhtësh frikën gjatë fluturimit

113 563 lexime

124,178FansaPëlqeje

Si mund ta mposhtim frikën gjatë fluturimit? Dhe pse sa herë që duhet të hipësh në aeroplan, lutesh?, janë disa nga pyetjet e parashtruara në faqen e intenetit focus.it.

Në realitet, matematika, statistikat dhe teknologjia na tregojnë se avioni është mjeti më i sigurt i transportit.

Këtu janë nëntë gjëra që duhet të dini për të larguar frikën nga fluturimi.

Nuk jeni vetëm në qiell
Mesatarisht, më shumë se tetë milionë njerëz fluturojnë çdo ditë. Në vitin 2013, numri i përgjithshëm i pasagjerëve civilë ishte 3,1 miliardë (baraz me 44% të popullsisë së botës). Gjatë kësaj periudhe ka pasur vetëm 81 aksidente dhe 210 të vdekur.

 

 

Probabiliteti

David Ropeik i Universitetit të Harvardit llogariti në vitin 2006 se shanset për të vdekur në një aksident avioni janë një në 11 milionë.

Po, është më e lehtë të vdesësh nga një sulm peshkaqeni (Një në tre milionë shanse).

Rreziku për një persona është pas 123 000 vitesh
Por, ka nga ata që janë edhe më optimistë.

Në vitin 2013, Arnold Barnett, profesor statistikash në Boston, konstatoi se rreziku i vdekjes për pasagjerët në linjat ajrore komerciale është 1 në 45 milionë fluturime.

Sipas ”New York Times”, një udhëtar mund të fluturojë çdo ditë për 123 000 vjet dhe ende të jetë i sigurt.

Qiej të tejmbushur
Ka 49 871 linja ajrore në botë në të cilat llogariten 102 465 fluturime ditore.

Vetëm fluturimet e tre aleancave kryesore të linjave ajrore (Star Alliance, One World dhe Sky Team) janë 47 777.

Punësimet në Aviacionin Civil
Aviacioni civil punëson mbi 57 milionë njerëz dhe kontribuon me 2,2 trilionë dollarë në ekonominë globale.

Siguria në fluturim
Fluturimi është mjeti më i sigurt i transportit. Të dhënat i referohen vetëm SHBA, por janë të qarta: aksidentet shkaktojnë 0,06 vdekje për çdo një miliard milje të udhëtuara.

Lexo edhe :  Vila ku kanë jetuar Joe Biden, Barack Obama dhe Bill Clinton del në shitje

Autobusë regjistrojnë 0,14, metroja 0,24, trenat 0,47, makinat 5,75 dhe motoçikletat 217 vdekje.

7. Frika e vozitjes së makinës

Sipas Organizatës Botërore të Shëndetësisë ka pasur më shumë se 1,2 milionë vdekje nga aksidentet rrugore në mbarë botën në vitin 2010.

Trafiku rrugor është shkaku kryesor i vdekjeve për të rinjtë e moshës 15-29 vjeç.

Universiteti i Oksfordit përllogariti se në vitin 2006, britanikët kishin shanse një në 36 512 për të vdekur në një aksident automobilistik dhe një në 3,5 milionë shanse për të vdekur në një aksident avioni.

Turbolenca
Kushdo që ka frikë nga fluturimi ka një frikë nga turbulencat. E pabazuar.

Ekzistojnë tre lloje të turbulencave: të lehta, të moderuara dhe të rënda.

Për pilotët, ajo e butë nuk është e ndryshme nga një rrugë e keqe për një shofer taksie.

Ai i moderuari as nuk i tremb, pasi zakonisht zgjat 10-15 minuta, nëse vazhdon, piloti mund të përpiqet ta çojë avionin në një lartësi tjetër.

Turbulencat e forta janë shumë të rralla. Disa minuta nga afërsisht 10 000 orë kohë fluturimi për një pilot. Është e pakëndshme, por jo e rrezikshme.

Avioni mund të devijohet në lartësi deri në 30 metra, por asgjë si ajo që shihni në filmat e fatkeqësive në kinema.

Fiton dashuria për jetën
Psikologu dhe ish-kapiteni i Forcave Ajrore Amerikane, Tom Bunn, ka zhvilluar një program kundër frikës nga fluturimi i quajtur “Saar” dhe bazohet në çlirimin e oksitocinës, e njohur gazetarisht si hormoni i dashurisë.

Sipas tij, duke u mësuar të imagjinoni, me pak stërvitje, një burim të besueshëm të hormonit të dashurisë, familiarët tuaj, fytyra e partnerit etje, oksitocina hyn në qarkullim dhe amigdala çliron hormonin e stresit përgjegjës për ankthin gjatë fluturimit./O.S

Të fundit

“Albania” e Europianit/ FSHF zbulon këngën e Kombëtares kuqezi për “Euro2024”

FSFH ka zbuluar përmes një postimi në rrjetet sociale, këngën ‘himn’ për tifozët, që do të shoqërojë kombëtaren kuqezi...

Pas humbjes së të shoqes, reagon për herë të parë aktori Agron Llakaj (Video)

Artisti i mirënjohur dhe autori i programit të humorit Al Pazar Agron Llakaj humbi pak ditë më parë shoqen e jetës, bashkëshorten e tij...

Rritet kërkesa për kredi/ Bizneset marrin hua për investimet, kryeson turizmi

Turizmi është kthyer një ndër sektorët që ka marrë më tepër hua në banka .Bizneset kanë shtuar investimet në prag të nisjes së sezonit...

Në momentin e papërshtatshëm, deputeti i Rithemelimit bën kërkesën e pazakontë

Deputeti i Rithemelimit, Tomorr Alizoti ka marrë fjalën në Kuvend ku nuk i kurseu as emocionet dhe përjetimet personale teksa foli për çështjen e...

“Çdo ndërtesë do ketë kod unik”/ Balla: Do jemi vendi i parë në Ballkan…

Ministri i Brendshëm Taulant Balla, në fjalën e tij në parlament, deklaroi se Ministria e Brendshme po punon për të pasur regjistër adresash në...

Lajme të tjera

Web TV