Apeli i Gjykatës së Posaçme Anti-korrupsion (GJKKO) ka lënë në fuqi dënimin me 2 vite burg për ish gjyqtaren e Elbasanit, Zamira Vyshka.
Apeli i posaçëm la në vuqi vendimin e dhënë nga GJKKO në korrik të vitit 2023, i cili gjithashtu, i hiqte Vyshkës të drejtën për të ushtruar funksione publike për një periudhë 3-vjeçare. Apeli ka dhënë vendim dhe për avokatin Ilir Pashaj, për të cilin do të dënohet me 1 vit e katar muaj burgim.
Gjyqtarja Vyshka u arrestua në korrik 2023 me urdhër të SPAK, bashkë me avokatin Ilir Pashaj, pasi po merrte rreth 400 mijë lekë ryshfet, për t’i ular dënimin me 6 muaj të të burgosurit Xhuliano Musai, i akuzuar për plagosje.
Përgjimet dhe vëzhgimet e SPAK nxorën zbuluar gjyqtaren, pasi i arrestuari Xhulio Musaj, i akuzuar në vitin 2019 për vjedhje kërkoi një ulje dënimi me 6 muaj burg. Familjarët ofruan shumën 200 mijë lekë me negociator avokatin Ilir Pashaj, ndërsa gjyqtarja kishte kërkuar dyfishin, pra 400 mijë lekë. Ata ishin të gatshëm të jepnin paratë e kërkuara për të lehtësuar masën e sigurisë ndaj Xhulio Musajt, por me fryrjen e shumës nga gjyqtarja, nuk kishin pranuar./O.S
