Pesë drejtues mjetesh janë arrestuar gjatë 48 orëve të fundit pasi janë kapur në tentativë për të korruptuar punonjësit e policisë.
Në pranga kanë rënë A. K., 39 vjeç, G. H., 30 vjeç, B. C., 20 vjeç, E. C., 50 vjeç dhe E. D., 40 vjeç, të cilët për mos u ndëshkuar me gjobë për shkeljen e rregullave të qarkullimit, u kanë ofruar para efektivëve.
Një ndër to ka qenë edhe një grua e cila u ndalua për shkelje të rregullave të qarkullimit. Ajo ka tentuar t’i japë punonjëses së policisë 20 mijë lekë, për të vazhduar punën e saj, por përfundoi nën pranga.
Në video shihet kur 39-vjeçarja numëron paratë, ndërkohë që polici i kërkon letrat e makinës. Kur ajo ia jep lekët së bashku me lekët, polici thotë: “Më jep vetëm letrat.” Ndërkohë që tregon para kamerës së policisë 20 mijë lekëshin ryshfet.
Polici: “Po këto për çfarë mi dhe?“
A.K: “Për të pirë një kafe.“
Polici: “Këto jo, letrat e mjetit dhe siguracionit.“
Njoftimi i policisë:
Gjatë 48 orëve të fundit, janë arrestuar në flagrancë 5 drejtues mjetesh, konkretisht: A. K., 39 vjeç, G. H., 30 vjeç, B. C., 20 vjeç, E. C., 50 vjeç dhe E. D., 40 vjeç, për tentativa për të korruptuar punonjësit e Policisë Rrugore.
Këta shtetas kanë tentuar t’iu ofrojnë punonjësve të Policisë së Shtetit, ryshfet, pasi u kapën në shkelje të rregullave të qarkullimit rrugor.
Lufta kundër kësaj veprimtarie të kundërligjshme do të intensifikohet ndaj shkelësve dhe ndaj punonjësve të Policisë, në çdo rast që ata do të kapen duke kryer korrupsion pasiv.
Për të përmbushur këtë qëllim, ftojmë qytetarët dhe mediat që të denocojnë çdo rast të abuzimit të punonjësve të Policisë, me detyrën./O.S
