Rënia e monedhës europiane ka ndikuar drejtpërdrejt në krizën e fasonerisë, duke sjellë edhe shkurtime të vendeve të punës.
Alban Zusi, kryetari i Shoqatës së Eksportuesve në një intervistë për emisionin televizive tha se vendi jonë ka mungesë të drejtimit ekonomik, teksa shtoi politika të sakta ndiqen në Europë dhe Rajon.
“Situata e eksporteve shqiptare është shumë e rëndë dhe është ajo që e kemi paralajmëruar që gjithë ekonomia do e vuajë. Problemi është shumë i thellë dhe i koncepteve ekonomike për drejtimin e shtetit. Këtu nuk ka koncept ekonomik. Vendi nuk drejtohet ekonomikisht. Vendet e zhvilluara nuk bëjnë këtë që ndodhi në Shqipëri, bëjnë të kundërtën.
Zhvlerësojë monedhën vendase dhe rrisin monedhën e huaj për të nxitur eksportet sepse duke e bërë më të lirë monedhën vendase, automatikisht kostoja del më konkurruese dhe rriten ekonomitë. Këtu doli e kundërta. Nëse do ndodhte në vendte e tjera të Rajonit do mendonim se do ishte për të gjithë, por ndodhi vetëm këtu tek ne.
Një ditë, nëse drejtësia do funksionojë, do përgjigjen edhe përgjegjësit eë bankës. Nuk e prisnim të ndodhte që të kishim një qëndrim qeveritar në mbështetje të kësaj situata”, tha Zusi.
Ai shtoi se shumë produkte ushqimore vijnë nga jashtë dhe politikat e gabuara sipas tij kanë sjellë një rënie të prodhimit vendas bujqësor me 20%.
“Mishi, frutat, sallami, birrat, verat vijnë nga jashtë. Nga vendi ngelet sallata jeshile dhe sallatori.
Prodhimi vendas bujqësor ra me gati 20%, nuk deklarohet por kjo është e vërteta. Blerja e produkteve shqipte për ta tregtuar në mënyrë formale është e paleverdisshme në Shqipëri. Fermerit nuk i njihet TVSH dhe pse e shpenzon TVSH por nuk e jep dot. Struktira fiskale është bërë e gabuar”, shtoi Zusi.
Kryetari i Shoqatës së Eksportuesve tha se në biznesin e tij ai ka shkurtuar 20% të stafit, një pjesë e të cilave sipas tij kanë shkuar jashtë vendit.
“Unë në biznesin tim kam shkurtuar 20% të stafit. Nuk kemi larguar njerëz dosido por edhe menaxherë e profesionistë të kualifikuar. Eksortet e kompanisë time vjet ranë me 30-40%. Qeveria i ka dhënë një goditje bashkë me bankën e Shqipërisë.
Është e gabuar që të thuhet që është krizë e biznesit, por kjo është krizë e krijuar nga qeveria. Kjo po ccon drejt humbjes së vendeve të punës. Njerëzit po ikin po largohen jashtë shtetit. Kjo po forcon tendencën e largimit.
Tek bizneset eksportuese, kishin gjetur edhe një lloj rehatie. Kanë një formim ndryshe dhe duan ti mbajnë aty. Ata paguajnë sipas tregut.
Urgjenca është mënyra se si bëhen politikat ekonomike. Ky vend duhet të mësojë të bëjë politika për të gjitha ekonomitë”, tha Zusi./ S.M
