Përmbledhje e rastit të gjyshes dhe babait që abuzonin me djalin e mitur në TikTok

113 563 lexime

124,178FansaPëlqeje

Dje, 67-vjeçarja Natasha Rombula dhe djali i saj, Armando Kumaraku, 44 vjeç janë arrestuar nga policia, për shkak se shfrytëzonin djalin e mitur të Armandos për klikime në TikTok. Të dy ata e nxisnin të miturin 10-vjeçar të fyente njerëzit në TikTok, përfshirë edhe nënën e tij biologjike. Fjalët denigruese dhe banale përdoreshin gjithashtu edhe nga gjyshja e nga i ati.

Të dy, nënë e bir, dilnin live në TikTok dhe ofendonin me fjalë banale, duke përfshirë nëpër video dhe situata të ndryshme edhe nipin e mitur.

Si ndodhi arrestimi?

Nëna e djalit dhe ish-gruaja e Armandos, shtetësja me inicialet E.A kallëzoi ish-vjehrrën dhe ish-bashkëshortin në dhjetor të vitit 2023 në policinë e qytetit, për përdorimin e të birit për të marrë më shumë klikime në TikTok.

Ata u akuzuan pikërisht se kanë përdorur të miturin në rrjetin social TikTok për të marrë më shumë klikime dhe shikueshmëri dhe në fakt, mjafton të klikojmë në llogarinë e Natashës në rrjetet sociale, për të parë një numër të madh videosh ku nipi shkonte nëpër vende të ndryshme dhe shante pa kriter, i nxitur nga i ati dhe gjyshja, të cilët, edhe vetë, në shumë raste dilnin live në TikTok për të ofenduar gruan që i denoncoi.

Një përmbledhje e rastit të gjyshes dhe babait që abuzonin

Ku e kemi parë më parë Natashën?

Natasha mund t’ju jetë dukur si një portret i parë. Në fakt, më 19 mars 2017 në rubrikën “Ka një mesazh për ty” tek “E Diela Shqiptare”. Nëna e djalit, asokohe në prag divorci me Armandon, bëri me dije se i shoqi dhe vjehrra nuk e lejonin të takohej me të birin.

Më 26 mars të atij viti, Natasha dhe gruaja u përballën në një putantë të emisionit dhe dhanë versione të ndryshme mbi çështjen. Natasha thoshte se e ëma e djalit nuk ishte e zonja të kujdesej për nipin: “Unë nuk ia lë se ajo është e papërgjegjshme. Vetë mamaja e saj më ka thënë se nuk ka besim tek ajo, as për të larë e për të shpëlarë, për të hekurosur, si mund të kem unë besim për t’i lënë nipin tim?”shprehej e nxehur Natasha asokohe.

Ndërkohë, e ëma e djalit thoshte se vjehrra e saj po e edukonte keq të birin dhe po e mbushte me mllef kundrejt së ëmës. Edhe pse ato u përballën disa herë, sërish nuk mundën të gjenin një rrugë të mesme.

 

Të fundit

Avionët luftarakë “Rafale”, Franca merr vendimin e papritur ndaj Serbisë

Pak ditë më parë presidenti serb, Aleksandar Vuçiç zhvillon një takim me homolgun e tij në Francë, Emmanuel Macron...

E vërteta e naftës së Shpiragut

Nga Fatos Çoçoli Për shkak të shtimit të prodhimit dhe shitjeve të makinave elektrike kudo në botë(shitjet e tyre kanë kapur 18 përqind të totalit...

FOTO/ Pas daljes nga shtëpia e “Big Brother”, Ledjona bën ndryshimin drastik

Ledjona Xheladinaj ka vendosur që të bëjë një ndryshim të papritur në imazhin e saj. Ish-banorja e Big Brother Vip 3, ka ndryshuar ngjyrën e...

“Dronët iranianë mund të bëjnë kërdinë”/ Analiza mbi goditjen e Izraelit

Irani ka nisur dhjetëra dronë dhe raketa balistike drejt Izraelit, duke kryer një sulm të pashembullt kundër armikut të tij të përbetuar. Në mesin...

Përse i duhet Ilir Metës simbolika e fitores së partisë së Gruevskit?

Nga Mero Baze Ashtu si Albin Kurti në Kosovë, edhe Ilir Meta në Shqipëri mori pozicion të qartë në zgjedhjet që zhvillohen në Republikën e...

Lajme të tjera

Web TV