Ellie Goulding dhe bashkëshorti i saj, Caspar Jopiling, kanë njoftuar ndarjen e tyre pas katër vitesh martesë.
“Në dritën e historive të fundit, ndjej se nuk kam zgjidhje tjetër veçse t’ju bëj të ditur të gjithëve se unë dhe Caspar u ndamë privatisht disa kohë më parë”, shkroi këngëtarja 37-vjeçare në story e saj në Instagram të premten, më 23 shkurt.
Ajo vazhdoi: “ Ne mbetemi miq të ngushtë dhe do të jemi bashkëkujdestarë më të mirë të djalit tonë. Ne jemi të përkushtuar të mbrojmë privatësinë e familjes sonë dhe paraprakisht falënderojmë njerëzit për respektimin e dëshirave tona – nuk do të komentojmë më tej. Faleminderit”.
Çifti ka një djalë 2-vjeçar, Arthur.
Jopilng, një tregtar arti 32-vjeçar, ndau gjithashtu një deklaratë në story e tij në Instagram duke konfirmuar lajmin për ndarjen e tyre.
Ai shkroi: “ Ndjej (për fat të keq) se duhet të them diçka për marrëdhënien time aktuale me Ellie, e cila shpresoj se më shumë se çdo gjë tjetër do të largojë spekulimet e fundit të tabloideve. Unë dhe Ellie morëm vendimin për t’u ndarë disa kohë më parë”./O.S
