28-29 shkurt/ Tirana mikëpritëse e 2 samiteve, Volodymyr Zelensky mirënjohës Shqipërisë

113 563 lexime

124,178FansaPëlqeje

Për herë të parë, presidenti ukrainas Volodymyr Zelensky do të vizitojë Shqipërinë, ndërsa Ukraina ndodhet në luftë me Rusinë që prej shkurtit 2022. Tirana do të jetë mikpritëse e një samiti për Ukrainën, ku padyshim fokusi do të vendoset tek lufta dhe mbështetja ndaj Ukrainës do të jetë fokusi i takimit mes Zelenskyt dhe liderëve të Ballkanit Përendemor, por nuk do të mungojnë as liderë të BE-së dhe zyrtarë të lartë të Brukselit. I pranishëm do të jetë presidenti Volodymyr Zelensky, në vizitën e tij të parë në Shqipëri, ku pritet të zhvillojë takime me zyrtarë të lartë të shtetit. Më 29 shkurt, po në Tiranë do të mbahet takimi i liderëve të Ballkanit Perëndimor. Lideri ukrainas pritet të mbërrijë në Tiranë në mbrëmjen e 27 shkurtit, ndërsa më datë 28, të mërkurën, do të marrë pjesë në samitin ku do të marrin pjesë edhe disa nga zyrtarët më të lartë të Brukselit, liderët e vendeve të Ballkanit Perëndimor dhe të Europës Juglindore. Në axhendën e tij, Presidenti i Ukrainës pritet të ketë disa takime bilaterale, mes të cilave me kryeministrin Edi Rama, Presidentin Bajram Begaj dhe kryeparlamentaren Lindita Nikolla, megjithëse detajet e vizitës, nuk janë konfirmuar ende zyrtarisht për shkak të nivelit të lartë të sigurisë mbi të cilin do të zhvillohet kjo vizitë. Pjesë e këtij samiti, përmes një video mesazhi do të behet edhe Presidenti i Turqisë, Rexhep Taip Erdogan, siç njoftoi vetë kryeministri Edi Rama nga Ankaraja më 20 shkurt. Punimet priten të zhvillohet në ambientet e pallatit të Kongreseve, aty ku do të mbahet ceremonia pritëse, ndërsa në përfundim të sesioneve të mbyllura për mediat do të ketë edhe një konferencë e përbashkët për shtyp.

Reagimi i Presidentit të Ukrainës

Presidenti ukrainas, Volodymyr Zelensky, në prag të samitit që do të zhvillohet në Tiranë në datat 28-29 shkurt, ka falënderuar Shqipërinë për solidaritetin me Ukrainën. “Faleminderit për fjalët tuaja të mira dhe solidaritetin e palëkundur me Ukrainën, Bajram Begaj”, shkroi ai. “Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Europën në tërësi”, shtoi Zelensky në X, ndërsa ka ndarë postimin e Begajt. Begaj, ditën e shtunë me rastin e shënimit të dyvjetorit të luftës Rusi-Ukrainë shkruante: “Dy vjet pas agresionit ushtarak të paprovokuar dhe të padrejtë të Rusisë kundër Ukrainës, ne qëndrojmë me frikë nga lufta e guximshme e popullit ukrainas për liri, dinjitet dhe sovranitet. Ne mbetemi aleatë të palëkundur të Ukrainës, duke mbrojtur së bashku këto parime universale”, shkroi presidenti shqiptar në X.

Lexo edhe :  Pagesat e prapambetura për ish-punonjësit e kombinatit të Poliçanit, çfarë thotë Peleshi

Samiti i Ballkanit

Më datë 29 shkurt, do të vijohet me një tjetër samit, atë të Ballkanit Perëndimor ku do të marrin pjesë liderët e 6 vendeve të rajonit. Fokusi i këtij takimi do të jetë tek plani i rritjes ekonomike për vendet e Ballkanit Perëndimor dhe rruga drejt integrimit europian, ndërsa pritet të jetë e pranishme edhe presidentja e Komisionit Europian, Ursula Von Der Leyen.

 

Mbërrin në Tiranë Rossen Jeliazkov, takohet me Nikollën

Kryetari i Parlamentit të Bullgarisë, Rossen Jeliazkov, do të zhvillojë një vizitë zyrtare ditën e sotme në vendin tonë. Jeliazkov do të pritet nga kryeparlamentarja Lindita Nikolla bashkë me delegacionin që e shoqëron. Pas takimit, Kryetarja Lindita Nikolla dhe Kryetari Rossen Jeliazkov do të bëjnë deklaratë për mediat.

 

Ministri Hasani niset drejt Gjenevës për takimin e lartë të Këshillit të të Drejtave të Njeriut

Ministri për Evropën dhe Punët e Jashtme, Igli Hasani udhëton  nga India drejt Gjenevës, ku në datat 26 – 27 shkurt do të mbahet takimi i Nivelit të Lartë i Sesionit të 55-të të Këshillit të të Drejtave të Njeriut (KDNJ). Vendi ynë merr pjesë në takim si vend anëtar i KDNJ-së me një mandat 3 vjeçar 2024-2026. Është hera e dytë që, brenda një periudhe më pak se 10-vjeçare, Shqipëria bëhet pjesë e këtij organizmi të rëndësishëm të OKB-së që trajton çështje të mbrojtjes dhe respektimit të të drejtave të njeriut. Gjatë qëndrimit në Gjenevë, Ministri Hasani do të pritet nga Komisioneri i Lartë i OKB-së i të Drejtave të Njeriut, ndërsa do të takohet me stafin shqiptar të punësuar pranë OKB në Gjenevë si me ekipin e Misionit të Republikës së Shqipërisë. Ministri Hasani do të japë mesazhin e tij në emër të Shqipërisë në takimin e posaçëm të Grupit të Miqve për Llogaridhënien për Ukrainën.

Të fundit

Papunësia afatgjatë arrin nivelin më të lartë që nga viti 2017

Papunësia afatgjatë te të rinjtë, shënoi rritje të ndjeshme në vitin 2023, edhe pse tregjet e punës dhe sektorët...

Si një drejtues mund t’i përdorë, për të mbajtur të bashkuar anëtarët e një grupi pune

Grupet e punës kanë objektiva të qarta dhe të përcaktuara për të arritur qëllimet e përcaktuara. Ato zakonisht zhvillohen rreth një udhëheqësi dhe ndjekin...

Pas ndarjes, nuk do të mund ta harroni atë, por ndërkohë mund të rindërtoni jetën tuaj!

Një nga mendimet që krijon shqetësimin më të madh te njerëzit që po përpunojnë fazën e ndarjes dhe që përpiqen të lënë pas një...

Si mund t’i japësh mbështetje emocionale partnerit gjatë një periudhe të vështirë

Ndihma për të shëruar dhe ushqyer zemrën e partnerit tuaj, kur ai kalon një përvojë stresuese ose të dhimbshme, kërkon të dini se si...

19 Prill 1943/ Geto e Varshavës, hebrejtë nisin rebelimin

Në Varshavë të Polonisë, forcat naziste që po përpiqeshin të spastronin një geto hebreje të qytetit, përballen me një sulm me armë zjarri nga...

Lajme të tjera

Web TV