Samiti/ Europa dhe Ballkani me sytë nga Tirana

113 563 lexime

124,178FansaPëlqeje

Tirana do të mirëpresë për herë të parë një Samit më datë 28 shkurt, dedikuar tërësisht Ukrainës, vetëm disa ditë nga dy vjetori i nisjes së agresionit rus në Kiev. Presidenti i Ukrainës, Volodymyr Zelensky po viziton Shqipërinë për herë të pare. Në këtë samit do të marrin pjesë edhe disa nga zyrtarët më të lartë të Brukselit, liderët e vendeve të Ballkanit Perëndimor dhe të Europës Juglindore.

 

Europa do ti ketë sytë nga Tirana këto dy ditë, ku Tirana do të jetë organizatore e dy samiteve të rëndësishme. Mbrëmjen e djeshme në airportin e Rinasit ka zbritur presidenti i Ukrainës, axhendë e cila do të fillojë sot në orët e para të paradites. Samiti Ukrainë-Ballkani Perëndimor do të fillojë në orën 9:00 në Kryeministri

ndërsa më pas pritja do të bëhet në orën 11:00 në Pallatin e Kongreseve nga kryeministri Edi Rama dhe presidenti ukrainas Volodymyr Zelenskyy, ku në këtë tapet të kuq do të mbërrijnë në Samitin e organizuar nga Qeveria Shqiptare, 13 udhëheqës të 13 shteteve nga Europa Juglindore. Në orën 13:30 do të ketë një konferencë për mediat nga ana e Ramës dhe Zelenskyy-t. Fokusi i këtij takimi do të jetë tek plani i rritjes ekonomike për vendet e Ballkanit Perëndimor dhe rruga drejt integrimit europian, ndërsa do të jetë e pranishme edhe presidentja e Komisionit Europian, Ursula Von Der Leyen. Në këtë Samit Kosova përfaqësohet nga Presidentja Vjosa Osmani. Në kuadër të këtij Samiti do të ketë edhe kufizim të qarkullimit në Tiranë, që ka nisur që nga pasditja e djeshme e do vijojë deri më 29 shkurt. Megjithatë ardhja e presidentit të Ukrainës, varet ngushtësisht nga aspekte të sigurisë, si pasojë e agravimit të luftës atje gjatë 48 orëve të fundit.

Samiti

Pjesa e parë e samitit do të jetë e hapur nga kjo sallë për të vijuar me dyer të mbyllura e më pas konkluzionet do të jepen në një konferencë për shtyp. Shqipëria e organizon këtë Samit në vazhdën e qëndrimeve të guximshme e të unifikuara në Këshillin e Sigurimit të OKB-s me Shtetet e Bashkuara të Amerikës. Samiti vjen si një tjetër mbështetje për Ukrainën dhe në të denoncuarin e agresion të paligjshëm Rus dhe krimet që ka sjellë ai. Ftesë për të marrë pjesë ka edhe presidenti Serbisë Aleksandër Vuçiç vendi të cilit është përfshirë në mitingje pro ruse. Pjesëmarrja e mundshme e Vuçiç nuk do të mirëpritet nga Moska të cilës Serbia ka refuzuar ti vendosë sanksioneve siç ka kërkuar BE-ja. Kosova do të përfaqësohet nga presidentja Vjosa Osmani. Ky samit shihet si një mundësi e mirë për intensifikimin e përpjekjeve në njohjen shtet të Kosovës nga Ukraina. Presidenti Turqisë Rexhep Taip Erdogan do ti bashkohet samitit përmes një video mesazhi nga Ankaraja. Në axhendën e tij, Presidenti i Ukrainës pritet të ketë disa takime bilaterale, mes të cilave me kryeministrin Edi Rama, Presidentin Bajram Begaj dhe kryeparlamentaren Lindita Nikolla, megjithëse detajet e vizitës, nuk janë konfirmuar ende zyrtarisht për shkak të nivelit të lartë të sigurisë mbi të cilin do të zhvillohet kjo vizitë.

Lexo edhe :  Sulmet e Iranit ndaj Izraelit, reagon kryeministri Rama

AXHENDA E PLOTË

28 shkurt

-Ora 19.00- Darka e shtruar nga kryeministri Rama për nder të drejtuesve të Ballkanit Perëndimor dhe Komisionerit Várhelyi

-Darka për delegacionet zyrtare

29 shkurt

Ora 9.30-9.45- Mirëseardhja nga Kryeministri Rama

Vendi: Pallati i Kongreseve

9.45-10.0- Fjala e hapjes Kryeministri Rama dhe Komisioneri Várhelyi

10.00-10.45- Paneli I: Hyrja në Tregun e Përbashkët

10.50- Foto Familjare

10.45-11.00- Pushim për kafe

11.00-11.45- Paneli II: Plani i rritjes

Ora 11.45-11.50- Konkluzione të dhëna nga Kryeministri Rama

12.00-12.30- Ceremonia e Nënshkrimit të Marrëveshjes

Ministrja e Arsimit dhe Sportit, Ogerta Manastirlliu, Rektori i Universitetit të Tiranës, Artan Hoxha dhe Rektorja e Kolegjit të Evropës, Federica Mogherini, në prani të kryeministrit Edi Rama dhe komisionerit Olivér Várhelyi.

Vendi: Kati i nëndheshëm i Pallatit të Kongreseve

Ora 12.30-13.15- Konferencë për shtyp e kryeministrit Rama dhe komisionerit Várhelyi

 

 

 

Të fundit

Si të shmangësh shpërqëndrimet dhe të kryesh gjithë detyrat e ditës në kohë rekord

Sa herë të ka ndodhur të mbetesh mbrapa me punët e tua e t’i shtysh për kushedi sa ditë,...

A kanë bërë s*ks në ‘BBV3’? Ilnisa zbulon të vërtetën

Ilnisa Agolli, e cila është eliminuar prej lojës së ‘BBV3’, krijoi një romancë dashurie brenda shtëpisë me Meriton Mjekiqin, i cili është ende pjesë...

Sali Berisha është Sali Berisha

Nga; Agron Gjekmarkaj Tani pas fjalimit poetiko panegjerik shtrëngohem t’i jap një përgjigje ! Partia nga vjen Petrua është parti europiane se u themelua me 8...

Aksident i rëndë në Tiranë/ “Golfi” godet urbanin e Kamzës, zbardhen detajet e para

Një aksident ka ndodhur pasditen e kësaj të marte në Tiranë. Një automjet tip “Golf“ ka goditur në pjesën e pasme urbanin e linëjs së...

Moti i keq ‘bën kërdinë’ në këtë vend,mbyllen shkollat dhe anulohen…

Emiratet e Bashkuara Arabe janë prekur nga moti i keq, me shirat e dendur që kanë përmbytur autostradat kryesore. Ndërkohë, numri i të vdekurve...

Lajme të tjera

Web TV