Policia greke ka sekuestruar mbi 81 kg marijuanë, e cila dyshohet se vend origjine kishte Shqipërinë.
Mësohet se droga është gjetur në 2 automjete pas një ndjekje policore. Sipas mediave greke, mjetet nuk i janë bindur thirrjes së policisë greke për të ndaluar, çka ka ngjallur dyshime tek efektivët. Në një nga mjetet janë gjetur dhe sekuestruar 3 çanta me 77 pako, që përmbanin 81.5 kg marijuanë.
Mjeti tjetër ndërkohë shërbente për kontrollin e rrugës, me qëllim shmangien e postblloqeve. Policia arrestoi 4 shtetas grekë, që ishin në 2 mjete të veçanta dhe sekuestroi gjithashtu edhe 6 celularë./O.S
