Lajçak bind qeverinë kosovare/ Arrihet marrëveshja e ndërmjetësimit për dinarin serb

113 563 lexime

124,178FansaPëlqeje

I dërguari i Bashkimit Evropian për dialogun Kosovë-Serbi, Miroslav Lajçak e ka bindur qeverinë kosovare që të ulet në tryezën e Brukselit me Serbinë në nivel kryenegociatorësh për çështjen e ndalimit të dinarit. Lajçak u shfaq optimist në Prishtinë pas takimit me ndërmjetësin kosovar, zv/kryeministrin Besnik Bislimi.

“Unë planifikoj që në ditët në vijim të organizoj një takim në nivel të kryenegociatorëve për çështjen e ndalimit të dinarit serb në territorin kosovar. Kjo ishte arsyeja kryesore e vizitës në Prishtinë. Me shefin e ekipit negociator të palës kosovare, u diskutua edhe për hapat e mëtejshëm drejt normalizimit të marrëdhënieve me Serbinë. Besoj se është në interesin e të gjitha palëve të angazhuara që të ketë progres dhe të fillojë zbatimi i marrëveshjeve ekzistuese. Më e rëndësishmja është marrëveshja bazë. Është marrëveshja më e mirë që ne kemi mundur të arrijmë. Nëse do të kishte marrëveshje më të mirë, do ta kishim bërë ndaj është në interes të secilës palë që ajo të zbatohet. Në këtë marrëveshje kemi të gjitha përgjigjet, çfarë të bëjmë dhe si t’i bëjmë. Pyetja e vetme është se kur do të ndodhë zbatimi i këtyre pikave. Kemi shpenzuar shumë kohë”, tha Lajçak.

Me ndërmjetësimin e BE-së, Kosova dhe Serbia arritën marrëveshjen bazë për normalizimin e marrëdhënieve më 27 shkurt të vitit 2023. Marrëveshja përmban 11 nene, ndër të tjera aty parashikohet edhe vetëmenaxhimi për komunitetin serb në Kosovë, si dhe njohja e ndërsjellë e simboleve shtetërore. Kosova refuzoi me 27 shkurt që të përfaqësohej në nivel politik në takimin e thirrur nga BE-ja për dinarin serb.

BE i ka bërë thirrje qeverisë së Kosovës që ta pezullojë zbatimin e rregullores së BQK-së për dinarin që hyri në fuqi më 1 shkurt. Në zonat e banuara me shumicë serbe në vend, përveç valutës euro, deri tani është përdorur edhe dinari për pagat dhe pensionet e financuara nga Serbia./O.S

Të fundit

‘Palestinezët nuk do të kenë të drejtë të kthehen’/ Trump zbulon planin e tij për Gazën

Presidenti Donald Trump deklaroi se palestinezët në Gazë nuk do të kenë të drejtën e kthimit sipas planit të...

Një milion dollarë për të deshifruar shkrimin enigmatik të Luginës së Indus

Një milion dollarë do të shpërblehen për këdo që mund të zgjidhë enigmën e shkrimit të Luginës së Indus, një nga misteret më të mëdha...

Richard Gere e quan Trump një njeri bullizues: Jemi në një vend shumë të errët në Amerikë

Ndërsa pranoi një çmim për arritje të jetës në Çmimet Goya në Spanjë, Richard Gere shfrytëzoi rastin për të shprehur shqetësimet e tij për...

‘Një martesë, një divorc, një funeral’/Komedia satirike premiere në Korçë

‘Një martesë, një divorc, një funeral’ është komedia satirike që u shfaq për 5 netë radhazi në sallën e tejmbushur të Teatrit të Korçës. Me...

Përparësitë e kopshteve vertikale nuk janë vetëm estetike, ato ulin temperaturën në qytet

Kopshtet vertikale janë një risi (relative) vitet e fundit, ato po shfaqen gjithnjë e më shpesh në lagjet e qytetit tonë dhe ata që...

Lajme të tjera

Web TV