Albano Bogdo rrëfeu mbrëmjen e djeshme në “Ferma VIP” historinë e trishtë të jetës së tij, duke shprehur dashurinë dhe falenderime për nënën e tij. Albano rrëfeu se prindërit e tij janë ndarë dhe se pas 10 viteve ai është takuar me babain e tij kur ndodhej në Milano për një koncert. Albano tha se prindërit e tij janë çifti i parë që janë divorcuar në Sarandë në kohën e demokracisë.
“Babai dhe mamaja ime janë çifti i parë që janë divorcuar në Sarandë në kohën e demokracisë. Dashamirësit të thonë je ti burr ii shtëpisë tani, dhe të jesh burr ii shtëpisë do të thot të punosh, të heqin nga fëmijëria. Lër librat merr një termuz dhe shit akullore. Ia kam ndjerë mungesën babait por nuk e kam shprehur asnjëherë. Armiku më i amdh që kam pasur ishte ai. Një dite e kemi kuptuar që nuk kishim asnjë armiqësi me njëri tjetrin. Filloi të më qante dhe më përqafoi, kisha 22 vite qe nuk e përqafoja, nuk e dija që më donte babai. Mamanë e kam dritën e syve, nuk e bënin dot 10 burra atë që ka bërë mamaja ime për mua”, ka rrëfyer ndër të tjera Albano.
Pas këtij rrëfimi, Bes Kallaku recitoi një poezi emocionuese për nënën, duke i përlotur të gjithë, përfshirë edhe Fjoralba Ponarin.
Moderatorja, e cila ka humbur nënën dy vite më parë, u detyrua të ndërpresë për pak çaste spektaklin dhe të kalojë në publicitet./E.Ç
