Nga dje ka hyrë zyrtarisht në fuqi ligji i lojërave të fatit, që i hap rrugën rikthimit të basteve sportive vetëm online.
Në studion e Report Tv eksperti i Ekonomisë Fatos Çoçoli sjell me grafika efektet në ekonomi të hapjes së tyre dhe si ka ndikuar ndër vite.
Nga 1996 kur u lejuan kompanitë e para të lojrave e fatit, xhiroja ka qenë 30 mln euro ndërsa në 2024 parashikohet që të shkohet deri në 45 milionë euro por mund të jetë dhe më e lartë.
Po kush janë të ardhurat në buxhet?
Në 1996 ka qenë 2 mln euro. Për vitin 2019 – 2023 kanë qenë zero të ardhura, ndërsa parashikohet që në 2024 të marrë 18 mln euro.
Luhet shumë më tepër se deklarohet nga kompanitë. Mendohet se të paktën 1/3 është ajo që regjistrohet. Nëse e llogarisim të plotë të ardhurat e buxhetit të shtetit duhej të ishin 100 mln euro.
Hapja e basteve pritet të sjellë dhe vende të reja pune. Nga grafikat e hartuara në bazë të shifrave të vendosura në dispozicion nga eskperti i ekonomisë Fatos Çoçoli zbulohet se këtë vit pritet të punësohen 4200 persona në baste sportive.
( S.M )
