Seanca dëgjimore në KLP me kreun e SPAK, Altin Dumani është shoqëruar me debate.
Dumani ka debatuar me një nga anëtaret e Këshillit të Lartë, pasi kjo e fundit e pyeti nëse prokurorët paraqesin rrezikshmëri për shoqërinë pas një farë moshe. Kreu i SPAK nuk i ka pritur mirë këto komente, duke thënë se prokurorët janë njerëz të kontrolluar.
Anëtarja e KLP: “Pak prokurorë mund të gjesh me integritet, njoh me qindra që kanë integritet, të gjithë prokuroret e republikës, të kërkoj ndjesë nëse e kapa ashtu, nëse Altin Dumani do ta konsideronte veten para daljes në pension, do të ishte aq efektiv, atë punë sa punon Altin Dumani natë dhe ditë? A mund të sillte rrezikshmëri shoqërore nëse këta prokurorë do të merrnin mandat sa të dilnin në pension, të shkelnin edhe të drejtat e njeriut nesër, mund të ketë efekte të tjera politike, po marr krahun e kundërt në këtë medalje, paraqet rrezikshmëri shoqërore dikush?”
Dumani: “Përdorni këtë logjikë edhe me gjyqtarët, pse ata nuk bëhen të rrezikshëm? Nuk bien në energjitë e tyre që janë pa mandat fare? Thashë rënie mundësie për të kandiduar, nuk thashë automatike, rrezikshmëria e prokurorëve dhe gjyqtarëve, si qenka e rrezikshme? Çfarë do të thuash konkretisht, këto janë themeltaret që i kemi mësuar në shkollë, çfarë do të thuash? Me kalimin e viteve…, prokurorët jemi njerëzit më të kontrolluar, nuk ka si të vijë rreziku përderisa monitorohemi nga institucionet e tjera.”
/O.S
