16 prill 1521/ Martin Luter nuk pendohet, mban fjalim në kuvendin e Vormit

113 563 lexime

124,178FansaPëlqeje

Më 16 prill të vitit 1521, Martin Luter arrin në kuvendin e Vormit, ku klerikët shpresonin që ai të pendohej për mosbindjen ndaj kishës. Ai u prit me entuziazëm në të gjitha qytetet ku kaloi. Kur doli nga kuvendi, ai tha: “Nëse shkrimet e shenjta thjesht nuk arritën të më bindin arsyeshëm, atëherë as unë nuk e pranoj autoritetin e papëve dhe as këshillat e tyre kundërthënëse. Ndërgjegjja ime është skllave e fjalës së Perëndisë, prandaj nuk mund të tërheq asgjë kundër ndërgjegjes apo të pranoj diçka që nuk është as e drejtë dhe as e sigurt. Perëndia më ndihmoftë. Amen! Me ju mbarova punë”. Luter u shkishërua menjëherë, por nuk u arrestua për shkak se i ishte dhënë një leje-kalimi i sigurt për 21 ditë gjatë udhëtimit nëpër territoret e kontrolluara nga Papati.

Martin Luter u lindi në qytetin Aisleben të Gjermanisë në vitin 1483. Studimet e para i kreu në qytetin e lindjes. Më vonë studioi Filozofi në Erfurt. Për Teologji nuk kishte ndonjë prirje të thellë. Në vitin 1507 u bë prift. Ne vitin 1512 u bë doktor i Teologjisë dhe pedagog i interpretimit të Dhiates së Re në Vitemberg. Është e tepërt të thuhet që Luteri i përkiste Kishes së Romës. Qysh me 1054, kur Kisha e Vetme e Krishtit u nda në Lindore dhe Perëndimore, u krijua një hendek i madh midis tyre, për shkak të pikëpamjeve egoiste dhe absolutiste të krerëve kishtarë të Romës së Vjetër. Këto veprime të pahijshme, mashtrime dhe abuzime, Luteri donte t’i shpallte në popull dhe t’i dënonte. Indinjata e tij arriti kulmin nga novacioni i çuditshëm i Papa Leonit X. Ky i fundit, duke qenë shumë i dashuruar pas parasë, mendohej se si të grumbullonte sa me shumë. Ai filloi të botojë Letra Faljeje, me të cilat “falte” mëkatet e të gjallëve dhe të të vdekurve. Ai thoshte se këtë pushtet e kishte ngaqe ishte misionar i Krishtit në tokë dhe pasardhës i apostull Pjetrit. Thoshte që paratë e grumbulluara shkonin për ushtritë e Kryqëzatave që luftonin për çlirimin e Vendeve të Shenjta, por në fakt, për plaçkitjen e thesareve të Kishes Ortodokse të Lindjes. Shpallte me siguri se, ai që jepte para për shpenzimet e një ushtari për një vit, ka të drejtë të mëkatojë për pesë vjet. Thoshte gjithashtu se mëkatet falen më lehtë kur i interesuar kryen një meshë. Pra, kur çdo njeri kryen meshë, merret me mend se çfarë sasie e madhe parash gjendej ne Arkat e shumta te Vatikanit.

Lexo edhe :  ‘Çmendet’ moti në këtë vend, temperaturat arrijnë në 50 gradë Celsius

Kalendar

1862 – Shfuqizohet skllavëria në Distriktin e Kolumbias, SHBA.

1889 – Lindi Charle Chaplin në Londër të Anglisë. Karriera e tij si aktor filloi kur ishte fëmijë; Kur ishte 24 vjeç u bashkua me kompaninë Keystone (SHBA), me të cilën realizoi mbi 30 filma.

1917 – Lenini kthehet në Rusi, pas 10 vitesh në mërgim në Zvicër për të filluar revolucionin bolshevik.

1938 – Britania e Madhe njeh aneksimin italian të Abisinisë.

1939 – Stalini kërkon nga britanikët dhe francezët të nënshkruajnë së bashku me BRSS-në paktin antinazist.

1972 – Apollo 16 niset për në Hënë, në një mision 11 ditor. Në bord ndodheshin astronautët Xhon Jang, Thomas Mattingly dhe Çarls Djuk. Jang dhe Djuk zbritën në jugperëndim të zonës, ku ishte ulur Apollo 11

 

Të fundit

VIDEO/ Erjola Doçi feston ditëlindjen, merr urimin e veçantë nga personazhi i njohur

Një prej të ftuarave në festën e organizuar me ish-konkurrentët e “BBV3” dhe jo vetëm, ka qenë dhe moderatorja...

Kush e vrau Musolinin? Rindërtime, pyetje dhe hipoteza alternative

Në orën 16:10 më 28 prill 1945 u vranë Benito Mussolini dhe Claretta Petacci. Walter Audisio qëlloi. Apo ndoshta jo? Hipoteza dhe rindërtime. Kush i...

Një tjetër mister rreth piramidave u zgjidh, si i ndërtuan egjiptianët në shkretëtirë?

Si ndërtuan egjiptianët piramida në shkretëtirë, duke transportuar gurë gjigantë, pa mjete teknologjike? Ata shfrytëzuan një degë të Nilit, e cila tani është zhdukur. Përveç...

Historiani Alexey Komarov: “Ndihmë e paçmuar” për çlirimin e Norvegjisë prej nazistëve

80 vjet më parë u nënshkrua një marrëveshje midis BRSS dhe Norvegjisë Svyatoslav Knyazev, Ekaterina Kiyko 80 vjet më parë, më 16 maj 1944, vendet anëtare...

28 maj 1937/ Wolgsvagen, makina popullore që u motivua nga Nacional Socialistët gjermanë

Themelohet prodhuesi gjerman i automjeteve Volkswagen. Volkswagen përkthehet si “makina e popullit” në gjuhën gjermane. Slogani aktual i reklamave ndërkombëtare të kompanisë është thjesht...

Lajme të tjera

Web TV