Pasditen e së martës, Sekretari i Përgjithshëm i Partisë Socialiste, Blendi Klosi, do të mbledhë drejtuesit politikë të qarqeve në kuadër të procesit të rienergjizimit.
Raportohet se kryeministri Edi Rama nuk do të jetë i pranishëm. Në këtë takim pritet që të bëhet një analizë e punës në terren dhe drejtuesit e qarqeve të raportojnë mbi prioritetet e vendosura nga Rama për 50 mijë anëtarësime të reja deri në Kongresin e qershorit.
Ndërsa prioriteti i dytë është përfshirja në organizatat socialiste, të përfaqësuesve të të gjitha shtresave të shoqërisë, për të siguruar gjithëpërfshirje.
Kjo mbledhje do të zhvillohet pasi kjo forcë politike do t’i nënshtrohet një procesi për zgjedhjen e krerëve të degëve, ndërsa më 12 maj zgjidhen delegatët. Ndërkaq, në qershor mblidhet Kongresi i PS-së./ S.M
