Rama në Greqi, jehona pas vizitës “provokative”

113 563 lexime

124,178FansaPëlqeje

Një ditë pas vizitës në Greqi, ku mbajti tubim para mijëra emigrantëve shqiptarë atje, kreu i qeverisë Edi Rama në intervistë për mediat shprehet se asgjë nuk ishte provokative. Çështja e nxehtë për Athinën zyrtare mbetet dënimi i Fredi Belerit, por Rama hodhi poshtë çdo pretendim se data e këtij tubimi kishte lidhje me arrestimin e kryetarit të zgjedhur të Himarës, që ndodhet në qeli për shitblerje votash.

 Kryeministri Edi Rama ka sqaruar edhe njëherë në mediat greke se nuk ishte në Athinë për çështjen e Fredi Belerit, i dënuar në Shqipëri për krime zgjedhore. Në më shumë se një orë fjalim, Rama nuk e ka përmendur fare bashkëkombasin e tij Beleri dhe historinë e tij në Himarë, por duke nënkuptuar atë i dha një mesazh homologut të tij grek Mitcotakis nga stadiumi “Galatis”. Madje Rama nuk e quan vizitën e tij aspak provokative edhe pse ishte “koecidencë” datë 12 maj, dita e arrestimit të fituesit të zgjedhjeve në Himarë. Ndërsa dje, gati 24 orë pas takimit me shqiptarët në Athinë, Kryeministri Edi Rama i është përgjigjur edhe interesit të mediave vendase në lidhje me çështjen më të nxehtë mes Shqipërisë dhe Greqisë, Fredi Belerin. I pyetur nga mediat greke pas takimit, Rama ka thënë se kjo është një çështje që “po e tjerr politika greke”.

Kreu i qeverisë shqiptare, e ka theksuar edhe në dalje të tjera publike se Beleri është vënë në pranga për shkak të korrupsionit aktiv në zgjedhje dhe se tashmë do të përballet me drejtësinë. “Nuk ka çështje të tillë, nuk është histori për ne. Kjo është histori e politikës greke. Nuk është historia jonë dhe nuk ka të bëjë me ne”, tha Rama. Ai vuri edhe njëherë theksin te raportet e mira Greqi-Shqipëri, për të mirën e dy vendeve. “Shpresoj se do të arrijmë të bëjmë diçka që përputhet me marrëdhëniet fantastike mes njerëzve të zakonshëm të Greqisë dhe Shqipërisë. Ata meritojnë më mirë dhe ne duhet t’u japim politika shumë të ndryshme”, ka thënë ai. Greqia e ka cilësuar si një takim provokues për shkak se përkonte me 1-vjetorin e arrestimit të Fredi Belerit, mirëpo për qeverinë shqiptare një fakt i tillë nuk qëndon. Rama u kujdes të theksonte se në Shqipëri asnjë anëtar i asnjë minoriteti nuk ka pasur asnjë problem për shkak të origjinës së tij. Ndalur te problemi i pronave, pas akuzave se po vidhen pronat e grekëve në Himarë, Rama iu përgjigj duke thënë se ky është një hall i gjithë shqiptarëve, jo vetëm i pjesëtarëve të këtij komuniteti.

Të fundit

Veliaj në Japoni, pritet nga kryetarja e Bashkisë së Tokios

Gjatë vizitës së tij në Japoni, kryebashkiaku i Tiranës, Erion Veliaj është pritur në takim nga kryetarja e Bashkisë...

“Paraqitu vetë”! Juli “harron” lojën, tremb Eglën, aktorja shpërthen në ulërima

Na ndajnë vetëm pak orë nga gjysëm finalja e Big Brother Vip Albania ku do të mësohen dhe sa banorë do ta prekin magjinë...

U fut për t’u larë në ujërat e Liqenit Artificial, i riu polak përfundon në spital

Një 25-vjeçar nga Polonia është futur ditën e sotme në Liqenin Artificial të Tiranës dhe dyshohet se ka rrezikuar të mbytet. Mësohet se i riu...

‘Çmenden’ protestuesit futen në pistë, autoritetet e aeroportit bëjnë lëvizjen urgjente

Mëngjesin e së shtunës, aeroporti i Mynihut është mbyllur sepse disa aktivistë për mbrojtjen e klimës kaluan pengesat dhe u ndodhen në pistë qysh...

Burri qëllon për vdekje vjehrrën dhe plagos gruan, në fund vret veten

Në vendbanimin Radniçka në Bjellovar të Kroacisë, në një shtëpi familjare janë gjetur dy persona të vdekur dhe një i plagosur rëndë, i cili...

Lajme të tjera

Web TV