Partia Popullore Europiane u shpall fituese në zgjedhjet për Parlamentin Europian, për të cilën ka patur dhe një reagim nga kreu i PD Lulzim Basha, ku uroi për fitoren PPE.
Përmes një postimi në rrjetin social “X” kryedemokrati është shprehur se fitorja e PPE është një garanci për vazhdimin e procesit integrues së Shqipërisë dhe rajonit në BE.
Basha gjithashtu përshëndeti miqtë dhe kolegët e PPE-së për rezultatin, që sipas kreut të PD përfaqëson një ngadhënjim të vlerave mbi të cilat BE u themelua.
Postimi i plotë Bashës në “X”:
Qytetarët evropianë zgjodhën sërish PPE-në si forcën më të madhe qeverisëse në Evropë.
Një fitore e vlerave dhe ideve themeluese mbi të cilat u ndërtua Unioni. Këto vlera do të na udhëheqin të gjithëve për 5 vitet e ardhshme.
Një PPE e fortë është një spirancë stabiliteti në kohë sfiduese për Evropën dhe një garanci për vazhdimin e procesit integrues të Shqipërisë dhe rajonit.
Urimet më të mira miqve dhe kolegëve tanë të PPE-së dhe Presidentit Weber për rezultatin e shkëlqyer!/e.t
