Turistë të shumtë kanë zgjedhur Shqipërinë për të parë nga afër bukuritë e vendit tonë. Ndërkaq Shqipëria, për të pritur sa më mirë flukset e turistëve, ka përmirësuar edhe infrastrukturën rrugore. Një ndër to është edhe aksi rrugor Orikum-Dukat.
Kryeministri Edi Rama ka ndarë në rrjetet sociale pamje nga rruga, siç e quan ai, “panoramike”, Orikum-Dukat. Sipas tij, ky investim infrastrukturor u shërben flukseve turistike të këtij sezoni, lehtëson trafikun dhe shkurton distancat për në plazhet e bukura të jugut.
“Mirëmëngjes
dhe me rrugën panoramike Orikum-Dukat, një investim infrastrukturor që i shërben flukseve turistike të këtij sezoni, duke lehtësuar trafikun dhe shkurtuar distancat për në plazhet e bukura të jugut, ju uroj një ditë të mbarë”, shkruan kreu i qeverisë.
Rruga Orikum-Dukat ka një gjatësi 14.7 kilometra. Ky aks nis nga Porti i Jahteve dhe përfundon në Urën e Shën Elizës, ku më pas do të lidhet me Tunelin e Llogarasë. Rruga u dha me koncesion në vitin 2018, dhe kostoja e saj përllogaritet në 50.5 milionë euro.
