Rreth 27 mijë maturantë do ti nënshtrohen të martën provimit të tretë, atij të matematikës.
Ashtu si dhe në dy testet e para gjimnazisëtët duhet ti përgjigjen rregullave të vendosura për të mos rrezikuar ndëshkimin, ndërsa ambientet do të jenë të mbikqyrura më kamera dhe me mësuesit kujdestarë.
Gjithashtu koha në dispozicion për të gjithë pyetjet do të jetë 2 orë e 30 minuta.
Mbetet për tu parë nëse këtë herë pyetjet do të publikohen para përfundimit të orarit të përgjimeve, ku në dy rastet e para ka dalë në rrjetet sociale brenda 30 minuta nga shpërndarja.
Pas testimit të dijeve në matematikë në 24 qershor do të rikthehen për herë të fundit në banka për të testuar dijet në lëndën me zgjedhje.
Pas kësaj do të nisë rrugëtimi drejt auditorëve në universitet apo dhe në tregun e punës.
Sipas procedurave të ministrisë së arsimit, me daljen e notave për të katër testet do të nisë rruga për aplikimin në fakultete, ku të rinjtë do të mund të bëjnë zgjedhjen në degën dhe universitetin që duan, ndërsa fituesit do të dalin sipas sistemit meritë preferencë.
Deri më tani ministria e arsimit ka publikuar vetëm notat e marra në provimin në gjuhë të huaj, ku ka rezultuar një numër më i ulët nxënësish me notën 10 absolute por me më shumë që nuk kanë kaluar.
Në dy ditët e ardhshme pritet të përfundojë vlerësimi i pikëve në letërsi dhe gjuhë shqipe./kb
