Lulzim Basha, tashmë deputet në grupin e Partisë Demokratike tha se nuk do të jetë pjesë e Sali Berishës në zgjedhjet e ardhshme parlamendtare që do të zhvillohen në 2025. Edhe pse jo me emër, edhe kur ju kërkua ta thoshtë një emër, Basha nënkuptoi Berishën.
Lulzim Basha nuk do të bashkëpunojë me Sali Berishën në zgjedhjet e ardhshme parlamentare. Deputeti demokrat edhe pse u pyet për emrin e atij që nuk do të bashkëpunonte, nuk arriti ta përmende Berishën në asnjë moment, por e nenkuptoi totalisht emrin e tij kur tha “se po bën gjithçka për karrigen e tij”.
“Nëse ka aktorë të cilët në radhë të parë nuk besojnë se kjo është e mundur, sepse bëjnë llogarira të vogla dhe pastaj nuk janë gati të bëjnë gjithshka, përkundrazi janë gati të flijojnë interesat e shqiptarëve, e shumicës së shqiptarëve që duan ndryshim, përfshirë interesat e demokratëve, për hallin e tyre personal apo për pazaret e tyre të vogla personale, ata sigurisht e kanë përcaktuar vetë vendin e tyre në skakierën e përballjes elektorale që po vjen.
Synimi ynë kryesor është largimi i kësaj qeverie të korruptuar, si një hap i parë për ndryshimin e Shqipërisë, për kthimin e Shqipërisë shqiptarëve, për rindezjen e shpresës dhe për të mos lejuar që vendi të zbrazet.
Ky nuk është thjesht një synim politik, është një objektiv, një mision kombëtar dhe për këtë do të bashkëpunojmë me të gjithë ata që vërtetë besojnë se kjo është e mundur dhe janë gati të bëjnë gjithshka që ta bëjnë të mundur”, është shprehur Basha gjatë një intevriste për zërin e amerikës.
Basha thekson se hipokritët kanë vënë shishen e qumështit në rradhë në pritje të fundit të Berishës, ndërsa shton se beteja e tij nuk është për karrige apo vulë, por për Shqipërinë. Basha thekson se Edi Rama pret që në 2025 të bëjë një fushatë , ku do dihet rezultati, dhe ai të paraqesë Sali Berishën si gogolin, shqiptarëve u paraqitet alternative se cili është më pak i korruptuar dhe natyrisht edhe me truket që Edi Rama ka bërë vazhdimisht në zgjedhje, dihet rezultati.
“Kundër kësaj Status Quo-je qëndrojmë ne. Ne nuk e pranojmë këtë gjendje, ne nuk e pranojmë këtë Shqipëri pa alternativë me shqiptarë kokëulur që trajtohen si konsumator mjeran të një pushteti dual i cili vazhdon të hedh valle, të pasurohet, të pushtetohet më shumë, ndërkohë që vendi zbrazet. Për këtë arsye ajo që kemi marrë përsipër nuk është një llogaritje e vogël teknikalitetesh jo të parëndësishme.
Por është një mision, e kemi nisur këtë si një mision. Sepse po ta kishim nisur për pragmatizëm, do kishim marrë rrugën e atyre hipokritëve që shkojnë te Sali Berisha dhe thonë “rroftë Sali Berisha, Sali Berisha duhet të jetë kryeministër”, ndërkohë sapo ndahen thonë që me këtë nuk vihet në pushtet dhe hajde t’i vëmë shishen ku t’i shkas këmba.
Por kjo është një hipokrizi, një llogari meskine personale karakteresh të deformuara politikisht. Dhe këta janë tradhtarët e vërtetë të interest të demokratëve dhe të interest të qytetarëve shqiptarë”, është shprehur Lulzim Basha.
Ai tha se në politikë qëndron ballëlartë. “Ndërsa ne qëndrojmë ballëlartë, betejën e kemi bërë për kauza parimore, e kemi bërë sepse besojmë që një Parti Demokratike pa një aleancë të ngushtë me shtetet e Bashkuara të Amerikës, Britaninë e Madhe dhe Bashkimin Europian, nuk mund të vij në pushtet.
Ne besojmë që Edi Rama të mundet, nuk mjaftojnë klithmat e denoncimeve, në veçanti kur hollohen nga hijet e pazareve, por duhet një alternativë e besueshme që u ofron shqiptarëve zgjidhje dhe që rikthen Partinë Demokratike në alternativë të së djathtës në Shqipëri”, tha Basha.
