Nga 1 mijë e 200 apartamente që janë shitur në Lezhë në më pak se 1 vit e gjysmë, afro 400 janë blerë nga të huajt.
Këta të fundit kanë treguar interes në rritje për të pasur një pronë, kryesisht në Shëngjin.
Ekspertët imobliarë thonë se ndër të huajt ata që po preferojnë më shumë për të investuar në Shqipëri janë cekët dhe polakët.
Po përse zgjedhin Shëngjinin?
Vihet re se të huajt nuk po blejnë prona vetëm në bregdet. Në Gjirokastër, ekspertët imobiliar tregojnë se ka interes për të investuar kryesisht në zonën muzeale në shtëpi private apo bujtina.
Kjo kërkesë e lartë e të huajve për prona në Shqipëri ka sjellë rritje të çmimeve thuajse në të gjitha qytetet dhe më të prekur nga kjo situatë janë vendasit të cilët jo gjithmonë mund t`i përballojnë këto çmime./ S.M
