Rreth 15 kilometra larg nga Shkodra ndodhet kanioni i Kirit.
I vendosur mes malesh që ngrihen përgjatë lumit, Kanioni i Kirit ofron pamje madhështore.
Një ndër pjesët më interesante janë formacionet shkëmbore që ka krijuar natyra, një mrekulli e paeksploruar e bukurive shqiptare.
Uji i kristaltë e bën më të veçantë këtë perlë të vendit tonë, që po tërheq çdo ditë e më shumë vizitorë.
Në ditët e nxehta të verës, është një prej destinacioneve më të preferuara, pasi edhe uji është shumë i pastër dhe pamja përgjatë kanionit është mahnitëse.
Disa foto nga ky kanion janë publikuar këtë të diel nga kryeministri Edi Rama.
“Ujërat e kristalta mes shkëmbinjve madhështorë të kanionit të Kirit në Postribë, Bashkia Shkodër, deri dje të njohura vetëm prej banorëve, sot një nga qindra e qindra destinacionet e turistëve të shumtë të përhapur në çdo cep të Shqipërisë”, shkruan kreu i qeverisë./ S.M
