Jennifer Lopez ka folur së fundmi për lidhjet e saj romantike në një bisedë me kolegun e saj të “Unstoppable”, Bobby Cannavale, në Festivalin e Filmit në Toronto. Gjatë kësaj bisedë, këngëtarja dhe aktorja 55-vjeçare pranoi, “Jam një zgjedhëse e keqe”, një koment që e përsëriti disa herë ndërsa qeshte, siç u kap në një video të shpërndarë nga “The Hollywood Reporter”.
Ky moment ka nxitur spekulime mbi jetën romantike të Lopez, veçanërisht pas divorcit të saj të fundit nga Ben Affleck. Termi “zgjedhëse e keqe” i referohet dikujt që përzgjedh vazhdimisht partnerë romantikë të papërshtatshëm.
Lopez, e cila ka qenë e martuar katër herë – me Ojani Noa, Cris Judd, Marc Anthony, dhe më së fundi me Ben Affleck – kërkoi divorcin nga Affleck më 20 gusht, përvjetorin e tyre të dytë të martesës. Çifti rindezi romancën e tyre disa dekada pasi kishin anuluar organizimin e parë në vitin 2004. Spekulimet për probleme në martesën e Lopez dhe Affleck kishin qarkulluar për muaj të tërë./E.Ç
