Gjykata Administrative ka rrëzuar dje vendimin e marrë nga Komisioni i Etikës për deputetët e Partisë Demokratike, menjëherë pasi i vunë zjarrin karrigeve të Kuvendit.
Pas ankimimit të paraqitur nga deputetët e PD-së, për masat disiplinore që varionin nga 40 deri në 60 ditë përjashtim, gjykata vendosi të shfuqizojë këto masa. Vendimi ka efekt të përkohshëm, çka do të thotë se zbatohet menjëherë, duke rikthyer deputetët në Kuvend.
Gjykata Administrative ka marrë dje një vendim të rëndësishëm, duke rrëzuar vendimin e Këshillit të Etikës për përjashtimin e disa deputetëve të Partisë Demokratike nga Kuvendi. Pas ankimimit të paraqitur nga deputetët e PD-së për masat disiplinore që varionin nga 40 deri në 60 ditë përjashtim, gjykata vendosi të shfuqizojë këto masa. Vendimi ka efekt të përkohshëm, çka do të thotë se zbatohet menjëherë, duke rikthyer deputetët në Kuvend.
Për deputetët Gazment Bardhi, Flamur Noka dhe Bledion Nallbati, është vendosur shfuqizim i pjesshëm i masës disiplinore, duke e reduktuar përjashtimin e tyre vetëm në 10 ditë, nga data 3 deri më 13 tetor. Ndërkohë, për deputetët e tjerë të përjashtuar, masa është reduktuar në 5 ditë, nga data 3 deri më 8 tetor.
Ky vendim i Gjykatës Administrative shihet si një goditje për Këshillin e Etikës dhe administratën e Kuvendit, duke u konsideruar si një rikthim i përkohshëm i deputetëve demokratë në sallën e Kuvendit.
Përfaqësues të Partisë Demokratike e kanë mirëpritur vendimin e gjykatës, duke theksuar se e drejta e tyre për të përfaqësuar elektoratin është respektuar dhe se veprimet e Këshillit të Etikës ishin të padrejta dhe të motivuara politikisht.
Nga ana tjetër, ky vendim ka ngjallur debat në skenën politike dhe juridike, duke ngritur pyetje mbi autoritetin dhe kufijtë e kompetencave të Këshillit të Etikës për vendosjen e masave disiplinore ndaj deputetëve të Kuvendit.
Reagimi i Bardhit
Deputeti demokrati Gazment Bardhi ka reaguar në lidhje me vendimin e Gjykatës së Tiranës për të shfuqizuar vendimin e Kuvendit për përjashtimin e 24 deputetëve të opozitës nga seancat plenare mes tyre dhe Bardhin. Për Bardhin, ky vendim është e drejta e betejës së deputetëve të përjashtuar për të kthyer kushtetueshmërinë në Kuvend.
Ai dënon edhe një herë rrethimin e Kuvendit me gardhin metalik dhe me Gardën e Republikës për të mos lejuar hyrjen e deputetëve. Sipas tij ata 24 deputetë u përjashtuan pa ligj dhe u penguan pa ligj nga forcat e sigurisë.
“Dënimi pa ligj i opozitës, konfirmuar sot edhe nga Gjykata, provon drejtësinë e betejës së deputetëve të PD për të kthyer kushtetutshmërinë dhe rregullin në veprimtarinë e Kuvendit të Shqipërisë. Për fat të keq, nën drejtimin e Elisa Spiropalit, Kuvendi është kthyer si asnjëherë më parë në një çerdhe paligjshmërie, ku vepron forca e arrogancës dhe shkelja brutale e Kushtetutës.
Rrethimi i Kuvendit me tela hekuri dhe me qindra Forca Sigurie, për të penguar 24 deputetë të opozitës, në shkelje të Kushtetutës dhe Ligjit, të ushtrojnë detyrën e tyre, është i denjë vetëm për regjimet autoritare dhe kurrësesi për një vend anëtar të NATO-s dhe vend kandidat për në Bashkimin Europian”, ka shkruar në profilin e tij në Facebook Gazmend Bardhi.
Ai nënvizon se presin me padurim që ti vijë zëri I së vërtetës. “Ne presim me padurim që ti vijë zëri për të dënuar aktin antikushtetuese, kujtdo që fajësonte me pa të drejtë opozitën dhe i kërkonte asaj që të luante rolin e vet brenda Kuvendit, ndërkohë që e vërteta ishte që opozita po pengohej me dënime pa ligj, me tela hekuri dhe Forca Sigurie, që të futej në Kuvend.
Është rasti i parë në histori që deputetët e opozitës dënohen me një rregullore që e kishte shfuqizuar Gjykata Kushtetuese, duke injoruar vendimin e saj për t’i konsideruar masat e përjashtimit si jo proporcionale. Ata që PA LIGJ penguan me Forca Sigurie për rreth 40 ditë deputetët e opozitës të ushtrojnë funksionin e tyre kushtetues do të mbahen përgjegjës!”, shkruan ai.
