Rikthehen reshjet e borës në juglindje të vendit. Reshjet sipas të dhënave kanë përfshirë të gjithë territorin e juglindjes pas rreth orës 2 të mëngjesit të sotëm, shkruan A2 CNN.
Në zonat malore trashësia varion nga 5-10 cm ndërkohë që në zonat më të ulëta trashësia është më e vogël, fatmirësisht nuk ka pasur vështirësi të mëdha pasi edhe temperaturat nuk kanë rënë nën 0 gradë.
Sipas të dhënave të gjitha kompanitë nga Qafë Thana drejt Korçës, Kapshticës , Dardhës dhe Kolonjës janë në gatishmëri për çdo situatë, rrugët aktualisht qarkullohen pa probleme megjithatë rekomandohen goma dimërore bashkë me pajisjet shtesë gjatë lëvizjes./E.T
