Gazetari Artan Hoxha paraqitet në SPAK.
Lajmi konfirmohet për Top Channel nga gazetarja Anila Hoxha.
Një lajm i bujshëm u raportua ditë më parë, ku bëhet me dije se dy gazetarët Artan Hoxha dhe Elton Qyno janë arrestuar
Teksa ende nuk ka një konfirmim nga ana e SPAK, në “Shqipëria Live”, avokati Jordan Daci ka deklaruar se ka informacione, por duke qenë se ngjarja është ende e pakonfirmuar zyrtarisht, ai nuk mund të flasë më tepër. Megjithatë, ai shtoi se bëhet fjalë për disa urdhër-arreste, mes tyre edhe për ish-gjyqtarë.
Sipas informacioneve të raportuara, Hoxha është lënë në masën e sigurisë arrest shtëpie, ndërsa për Qynon është vendosur masa e detyrimit për t’u paraqitur. Ndërkohë që pritet që SPAK të nxjerr së shpejti njoftimin zyrtar me akuzat që rëndojnë për Hoxhën dhe Qynon.
Gazetari Artan Hoxha është akuzuar si “anëtar i organizatës kriminale”, ndërkohë që për Elton Qynon rëndon akuza për korrupsion. Ky operacion i SPAK është drejtuar nga prokurori Vladimir Mara, i cili është përgjegjës për hetimin dhe ndjekjen e kësaj çështjeje./ S,M
