Edhe pse pre gati 1 viti nuk ka qenë prezent, kreu i Partisë Demokratike, Sali Berisha braktisi sallën e Kuvendit pas rreth 40 minutash.
Ndërkohë që në prononcimin për mediat jashtë sallës së Kuvendit, Berisha akuzoi deputetët e mazhorancës për jetën e luksit që bëjnë, teksa tërhoqi një paralele me pensionet që marrin pensionistët.
“Nuk shpresa që të ketë ndryshime, këta janë njerëz që nuk dëgjojnë as zërin e zotit as xhamisë, as kishës, janë të verbuar nga luksi, grup bixhozçish që lanë shumë përrallore në kaziono dhe mejhane dhe sduan tia dinë. Mezi qëndroj nga parfumet e kushtueshme, paradë luksesh sikur je në një sallon mode dhe jo parlament përfaqësues të shqiptarëve. S’e di kur blen stolinë e oborrit 4 mijë euro, 20 mijë euro udhëtime me Ismailin e famshëm, ministër që ulen me biftekun 1 mijë euro, qerpikë artificialë 150 euro në javë. Është haram luksi i tepruar”, tha Berisha.
I pyetur nga gazetarët lidhur me akuzat e deputetit Gazment Bardhi ndaj tij kohë më parë, për lidhje të Berishës me Suel Çelën.
“Deklaratat politike, janë politike, nuk kanë asnjë vlerë. E vërteta është se askush nuk e ka denoncuar më shumë se Sali Berisha Suel Çelën, dhe çdo Suel Çelë. Sa i përket lidhjeve me Edi Ramën, është shumë evidente, provohet në të gjitha dokumentet se ai është marr me fushatën elektorale të Edi Ramës, e thotë dhe vetë, është edhe Taulant Balla. Dhe një tjetër që është shpall anëtar i asaj bande, tha që kryetari i vërtetë është Edi Rama dhe ai i din”, tha Berisha./ S,M
