Tjetër padi për shpifje në Gjykatën e Posaçme ndaj deputetit të PD-së, Gazment Bardhi. Ai është paditur nga OSHEE lidhur me deklaratat për abuzime me tenderat.
Në seancën e parë Gazment Bardhi nuk është paraqitur, por përfaqësohej nga avokati Marash Logu. Nga shorti elektronik që u hodh në datën 13 nëntor, Elsa Ulliri u caktua gjyqtarja për hetimin paraprak.
Dosja ndaj Bardhit erdhi për kompetencë në Gjykatën e Posaçme nga Gjykata e Shkallës së Parë Tiranë.
Gazmend Bardhi ka një tjetër çështje për shpifje në Gjykatën e posaçme, ku është paditur nga Edmond Sulaj, ish drejtori i policisë së Shkodrës.
Ish zyrtari i policisë e paditi atë për një deklaratë të bërë në shtator në kuvend se ai është zgjedhur në postin e drejtorit të policisë së Shkodrës nga krimi i organizuar./ S,M
