Sipas një studimi të realizuar së fundmi, të rinjtë shqiptarë harxhojnë më shumë kohë online, jo për qëllime edukative, por në rrjetet sociale.
“Ne jemi koshiente dhe nga dinamikat e fundit se cfarë efekti ka kjo kohë e harxhuar. Minimumi 30 minuta por makimumi qëndroj në 5 orë dhe më shumë.” – u shpreh studiuesja Alba çela.
Shqetësuese sipas studimit është ndikimi i mentalitetit edhe tek brezat e rinj. Të dhënat tregojnë se 28% e të rinjve të pyetur janë përgjigjur se do të bënin vetëgjyqësi.
Por cilat janë dy frikërat më të mëdha tek të rinjt?
“Një numër i lartë i të rinjve thanë se frika më e madhe është të mbeten pa punë. Një tjetër frikë me përqindje relativisht të lartë është se mos preken nga sëmundje serioze.”
Një fakt interesan tregon për vlerën e familjes që nuk ka ndryshuar shumë. Të rinjtë flasin për një marrëdhënie të ngrohtë me prindërit.
“Mbi 90% të rinjve që kanë marrëdhenie të mirë, sa mirë që ndodh kjo. Mund të ketë shume arsye, mund të jetë pjesë e një kulture dhe marrëdhenie të një komunikimi të mirë. ” – u shpreh psikologu Klodian Gega. /Burimi: ABC News
