Ushtria e rebelëve e udhëhequra nga xhihadistët e komanduar nga Ebu Mohammad Al Jolani kanë marrë kontrollin e qendrave të pushtetit në kryeqytetin sirian, Damask.
Sipas asaj që mësohet nga burime të sigurisë në Siri, që po ndjekin evoluimin e situatës, aktualisht në duart e kryengritësve janë pallati presidencial në lagjen Malki, selia e televizionit shtetëror, aeroporti ndërkombëtar dhe burgu Sednaya.
Rebelët e grupimit Hayat Tahrir al Sham, kontrollojnë gjithashtu rrugët kryesore në Damask dhe në disa zona të qytetit qytetarët dolën në rrugë për të brohoritur parulla kundër Bashar Al Asadit./e.t
