Kosova do ti drejtohet zgjedhjeve parlamentare më 9 shkurt të vitit 2025 dhe subjektet politike kanë nisur nga puna për të dorëzuar aplikimet e tyre për pjesëmarrje.
Siç mësohet nga Komisioni Qendror i Zgjedhjeve, janë 28 subjekte që kanë aplikuar në garën elektorale, teksa mes tyre, 20 janë parti politike, pesë koalicione, dy iniciativa qytetare dhe një kandidat i pavarur.
Vëmendjen kryesore në këtë betejë pritet ta marrë partia në pushtet, Lëvizja Vetëvendosje e cila do të ketë përballë saj Partinë Demokratike dhe Lidhjen Demokratike të Kosovës. Sakaq, nga partitë serbe kanë dorëzuar aplikimin Lista Serbe dhe parti të tjera të komuniteteve pakicë, ndërsa Fatmir Bytyçi do të garojë si kandidat i pavarur.
KQZ do duhet tashmë të konfirmojë listat deri në 25 dhjetor, ndërsa në 7 janar do të hidhet shorti për renditjen e subjekteve në fletën e votimit. Zgjedhjet e 9 shkurtit do të jetë zgjedhjet e para të rregullta parlamentare që do të organizohen në Kosovë, që nga shpallja e pavarësisë më 2008.
/E.S
