President i sapozgjedhur i Shteteve të Bashkuara të Amerikës, Donald Trump është i vendosur për të sjellë ndryshimin pas fitores në zgjedhjet e nëntorit përballë rivales së tij, Kamala Harris.
Menjëherë pa humbur kohë, ai ka zgjedhur të largojë drejtorin e FBI-së, Christopher Wray, me këtë të fundit që është detyruar të japë dorëheqjen për të shmangur përplasje brenda byrosë. Duket se vendin e tij do ta marrë Kash Patel.
Ky vendim nuk ishte i lehtë sipas Wray, i cili zgjodhi ta bënte këtë për të mbajtur fokusin në misionin e përbashkët, pa krijuar konflikte.
Trump emëroi Wray në vitin 2017, pasi shkarkoi drejtorin e atëhershëm James Comey për skandalin “Russiagate”. Dorëheqja e Wray vjen dy ditë pasi senatori Chuck Grassley, një republikan i Iowa-s, shkroi një letër prej 11 faqesh duke e akuzuar atë për keqmenaxhim dhe dështim për të marrë kontrollin e FBI.
/E.S
