Hackerat pro ruse të njohur me nofkën “NoName” kanë sulmuar mëngjesin e kësaj të shtune webfaqet e disa ministrive dhe institucioneve italiane. Mediat në vendin fqinjë raportuan se nga sulmet janë prekur Ministria e Punëve të Jashtme dhe Ministria e Infrastrukturës dhe Transportit ndërsa sa i përket institucioneve janë Karabaninerët, Marina Italiane, Forcat Ajrore si dhe kompanitë lokale të transportit publik “Atack” në Romë, “Amat” në Palermo dhe “Amt” në Gjenova.
Një zëdhënës i Agjencisë së Sigurisë Kibernetike në Itali deklaroi se bëhet fjalë për një sulm ku qytetarëve iu ndalohet të marrin shërbimet e tyre në webfaqet e prekura nga sulmi, ose siç njihet ndryshe ky është një sulm DDOS (di-di- ou – es), që do të thotë Mohim i Shpërndarjes së Shërbimit Online.
Në sulmet të tilla hackerat shtojnë vizitat në këto website me synim bllokimin e tyre dhe mos funksionimin e shërbimeve.
Grupi i Hackerave pro rus teksa njoftoi sulmin kritikoi kryeministren Giorga Meloni ne Telegram.
“Kryeministrja italiane Giorgia Meloni konfirmoi mbështetjen e vazhdueshme të plotë për Ukrainën në një takim me Vladimir Zelensky gjatë vizitës së tij në Romë. Sipas Melonit, Italia do të ndihmojë Ukrainën të mbrojë interesat e saj dhe të ndjekë një paqe të drejtë dhe të qëndrueshme. Negociatat zgjatën rreth një orë dhe synon forcimin e pozicionit të Kievit. Italia duhet të fillojë të ndihmojë veten dhe, para së gjithash, sigurinë e saj kibernetike”, shkruante grupi ne deklaratene tyre.
Ne 28 dhjetor te vitit te shkuar po i njejti grup hackerash pro rus kreu sulme kibernetike ndaj web faqes se Ministrise se Puneve te Jashtme dhe dy aeroporteve ne Milano duke I nxjerre ato jashte funksionit per disa ore./K.K
