Një grup shkencëtarësh nga dy universitete në Kinë kanë krijuar në laborator një ‘super diamant’ ultra të fortë dhe me cilësi të lartë, që është shumë herë më i fortë se diamantet natyrale.
Sipas ekspertëve ky krijim konsiderohet 40% më i fortë dhe më rezistent.
Deri më tani, diamantët më të fortë janë gjetur në krateret e krijuara nga goditjet e asteroidëve dhe meteorëve, çka do të thotë se janë të rrallë dhe shpeshherë, shumë të vegjël.
Pjesa më e madhe e diamantëve natyralë dhe sintetikë kanë strukturë kubike, ndërsa diamantët e gjetur në këto kratere kanë strukturë gjashtëkëndëshe.
Aplikimi i këtyre lloj diamanatësh nuk është eksploruar shumë për shkak të madhësisë dhe papastërtisë së mostrës, ndaj kërkuesit shpikën një diamant “të kristaluar mirë, thuajse gjashtëkëndësh të pastër” duke nxehur grafit shumë të kompresuar.
Sipas ekipit, qëndrueshmëria e shkëlqyer termike e diamantit dhe fortësia e lartë e tij nënkuptojnë që mund të ketë “shumë potencial për aplikimet industriale”.
Ai duron temperaturë deri në 1100 gradë Celsius dhe ka një fortësi prej 155 giga Paskal.
Pavarësisht karakteristikave, nuk do të kushtojë më shumë sesa diamantet e zakonshme.
Një diamantik sintetik nga Kina mund të kushtojë deri në 300 dollarë dhe sipas shkencëtarëve,”super diamanti” s’do të përdorej gjerësisht nëse do të kushtonte./ KB
