Ngritja e nivelit të sheqerit në gjak nuk ndodh vetëm pas ngrënies së një vakti të pasur me karbohidrate apo sheqerna.
Ka shumë arsye të tjera përse sheqeri juaj në gjak mund të jetë i lartë.
Besoni ose jo, e ftohura ose infeksioni mund të jetë njëra prej këtyre arsyeve. Kjo ndodh sepse kur sëmureni, trupi juaj lëshon disa hormone për të luftuar infeksionin, të cilat ndikojnë në nivelet tuaja të glukozës në gjak.
Si Ndikon Sëmundja në Nivelet e Sheqerit në Gjak?
Kur sëmureni, trupi juaj nxit një varg përgjigjesh për të luftuar infeksionin. Për shembull, hormonet e stresit si kortizoli dhe epinefrina lirohen, sipas Shoqërisë Endokrine. Trupi juaj ka nevojë për më shumë energji gjatë kësaj kohe, të luftosh një sëmundje është punë e vështirë për trupin dhe këto hormone shkaktojnë rritjen e sheqerit në gjak për të përmbushur këtë kërkesë të tij.
Megjithatë, hormonet shtesë të stresit gjithashtu ulin insulinën, hormonin përgjegjës për të larguar glukozën nga gjaku juaj në qelizat tuaja. Pa insulinë të mjaftueshme, glukoza qëndron më gjatë në rrjedhën e gjakut dhe nivelet e sheqerit në gjak rriten. Tek njerëzit pa diabet, kjo zakonisht nuk është problem, por mund të kontribuojë në kushte si hiperglicemia tek njerëzit që kanë diabet.
Për ata me diabet, rritja e sheqerit në gjak gjatë një infeksioni mund të jetë më e rrezikshme, pasi trupi juaj tashmë ka më shumë vështirësi në mbajtjen e sheqerit tuaj në gjak nën kontroll. Me prodhimin më të ulët të insulinës dhe sheqerin më të lartë në gjak, ju gjithashtu jeni në rrezik të shtuar të ketoacidozës diabetike (DKA) gjatë një të ftohti ose infeksioni.
Çfarë duhet të bëni?
Për të parandaluar ngritjet ose uljet e sheqerit në gjak të lidhura me të ftohtin, ndiqni këto strategji të rëndësishme:
Kontrolloni rregullisht sheqerin tuaj në gjak. Nëse merrni një të ftohtë ose infeksion dhe keni diabet, mjeku juaj shpesh do t’ju rekomandojë të mbani një vëzhgim glukozën tuaj në gjak. Kjo mund t’ju ndihmojë të merrni veprime sipas nevojës, siç është rregullimi i vakteve ose ushqimeve të lehta. Kërkoni kujdes mjekësor nëse sheqeret në gjak shkojnë shumë lart ose ulen shumë.
Mbani nën kontroll medikamentet. Nëse merrni medikamente për diabet ose insulinë, sigurohuni që të keni mjaftueshëm në dorë në rast se sëmureni. (Mund të jetë e vështirë të merrni një rimbushje kur nuk ndiheni mirë.) Gjithashtu, vazhdoni me regjimin tuaj të medikamenteve gjatë sëmundjes dhe kontaktoni mjekun tuaj nëse keni pyetje rreth dozave.
Përpiquni të hani vakte të rregullta. Ndërsa oreksi juaj mund të ulet kur jeni të sëmurë, anashkalimi i vakteve mund të shkaktojë që sheqeri juaj në gjak të bjerë shumë. Bëni ç’të mundni për të vazhduar me vakte dhe ushqime të lehta të rregullta. Të qëndrosh i ushqyer gjithashtu i jep trupit tuaj energji për të luftuar infeksionin.
Qëndroni të hidratuar. Është e rëndësishme të pini lëngje kur jeni të sëmurë. Gjithashtu, dehidratimi mund të shkaktojë ngritje të sheqerit në gjak. Pini ujë, çaj ose pije pa sheqer.
Bëni një shëtitje. Ndërsa filloni të ndiheni më mirë, provoni forma të lehta të lëvizjes. Sipas një studimi të vitit 2022 në Sports Medicine, dalja për një shëtitje me intensitet të ulët pas ngrënies është vërtetuar se ndihmon në uljen e sheqerit në gjak. Filloni me disa minuta në fillim dhe ndërtoni nga aty ndërsa filloni të ndiheni si vetja juaj normale përsëri./k.k
