SHBA do të dëbojë 530 mijë emigrantë

113 563 lexime

124,178FansaPëlqeje

Administrata e presidentit të SHBA-së, Donald Trump, ka njoftuar se do të revokojë statusin e përkohshëm ligjor për më shumë se gjysmë milioni emigrantë nga Kuba, Haiti, Nikaragua dhe Venezuela.

Këtyre emigrantëve u është bërë e ditur se duhet të largohen nga vendi para se lejet e tyre dhe mbrojtja nga dëbimi të anulohen më 24 prill, sipas një njoftimi të qeverisë federale.

Këta 530 mijë emigrantë u pranuan në SHBA në kuadër të një procesi sponsorizimi të epokës së presidentit, Joe Biden, të njohur si CHNV, i cili synonte të hapte rrugë ligjore për migrim. Trump e pezulloi këtë program sapo mori detyrën.
Nuk është e qartë se sa prej këtyre emigrantëve kanë mundur të sigurojnë një status tjetër që do t’u lejonte të qëndronin ligjërisht në SHBA. Programi u prezantua nga presidenti demokrat, Joe Biden në vitin 2022, fillimisht për venezuelasit, përpara se të zgjerohej për të përfshirë vende të tjera, shkruan bbc.

Një gjykatës në çështjen e dëbimeve të emigrantëve kritikoi avokatët e qeverisë për sjellje “mosrespektuese”. Programi u lejonte emigrantëve dhe anëtarëve të familjes së tyre të afërt të fluturonin në SHBA nëse kishin sponsorë amerikanë dhe të qëndronin për dy vjet me një status të përkohshëm emigracioni të njohur si “parole”.

Administrata Biden argumentoi se CHNV do të ndihmonte në uljen e kalimeve të paligjshme në kufirin jugor të SHBA-së dhe do të mundësonte kontroll më të mirë të atyre që hynin në vend.

Departamenti i Sigurisë Kombëtare (DHS) të premten kritikoi administratën e mëparshme, duke thënë se programi kishte dështuar në qëllimet e tij.

Megjithatë, në njoftimin prej 35 faqesh në Regjistrin Federal thuhej se disa nga ata që janë në SHBA në kuadër të CHNV mund të lejohen të qëndrojnë në bazë të një “vlerësimi rast pas rasti”.

Lexo edhe :  MAFIA futet në futbollin italian!/ Si janë të lidhur lojtarët dhe drejtuesit e ekipeve

Trump po shqyrton gjithashtu mundësinë e anulimit të statusit ligjor të përkohshëm për rreth 240 mijë ukrainas që u larguan drejt SHBA-së gjatë konfliktit me Rusinë.

CHNV ndihmoi që rreth 213 mijë haitianë të hynin në SHBA për shkak të përkeqësimit të kushteve në vendin e tyre të origjinës.

Po ashtu, më shumë se 120700 venezuelas, 110,900 kubanë dhe mbi 93 mijë nikaraguanë u pranuan në SHBA në kuadër të këtij programi përpara se ta mbyllte Trump.

Muajin e kaluar, DHS njoftoi se në gusht do të përfundojë një tjetër program emigracioni, statusin e përkohshëm të mbrojtjes (TPS), për 500 mijë haitianë që jetojnë në SHBA.

TPS u ishte dhënë shtetasve të vendeve të caktuara që përballeshin me kushte të pasigurta, si konflikte të armatosura ose katastrofa natyrore. DHS gjithashtu pezulloi TPS për venezuelasit në SHBA, ndonëse kjo po përballet me një sfidë ligjore. Që nga marrja e detyrës në janar, politikat e imigracionit të Trumpit janë përballur me një sërë pengesash ligjore./E.T

Të fundit

Ndërtoi pa leje, arrest me burg për ndërtuesin dhe ekspertin! Sekuestrohet hoteli

Prokuroria e Gjirokastrës ka caktuar masën "arrest në burg" për R.S., i akuzuar për ndërtim të paligjshëm të një...

Fushata elektorale, Rama takim me banorët e Petrelës: “Ju zgjodha sepse…”

Kryesocialisti Edi Rama po zhvillon një takim me banorët në Petrelë, të Tiranës. Takimi po zhvillohet në kuadër të fushatës elektorale. Rama në nisje është...

“Gënjeshtër totale!” Grenell hedh poshtë lajmet për takimin e Ramës me djalin e Trump

Richard Grenell, i dërguari i Presidentit Donald Trump për misionet speciale është përfshirë në një debat me drejtorin e zyrës së shtypit të PD,...

Mbështeti Berishën! Kush është Elmar Brok, njeriu i cili paguhet për takime me qytetarët

Ish-kryetari i komisionit të Jashtëm në Parlamentin Europian, Elmar Brok ishte pak ditë më parë në Tiranë ku mbështeti publikisht kryetarin e PD-së, Sali...

Rama: Familja Trump u detyrua të mohojë shpifjen për takimin tim në Beograd, turp!

Kryeministri Edi Rama ka hedhur poshtë deklaratat se ai nuk mori pjesë në funeralin e Papës, pasi pritej që të shkonte në Beograd ku...

Lajme të tjera

Web TV