Ka nisur me tensione numërimi i votave në qarkun e Korçës.
Partia Demokratike ka kërkuar ndarjen e votave të diasporës për Greqinë, por kjo kërkesë nuk është pranuar nga kreu i KQZ-së, Ilirjan Celibashi.
“Ka një moment tensioni, zoti Celibashi u kërkon përfaqësuesve të PD që të vendosin kartën identifikuese. Kërkesa u refuzua sepse duhej ndjekur protokolli për të gjitha kutitë.
PD këmbëngul për shkak të problematikave të ardhur nga Greqia. Sipas PD ishte një anomali se si ka mundësi që zarfet nuk vinin për shumë ditë, ndërsa në ditët e fundit erdhën. Problematikat PD i ka ngritur ditë pas dite, ku sipas tyre në Greqi është bërë një krim zgjedhor dhe ka paralajmëruar padi në SPAK. Demokratët kërkojnë ndarjen e votave”, raportoi gazetarja Elda Menga. m.p.
