Analisti Ilir Demalia komentoi zhvillimet e fundit në aspektin politik në vendin tonë, pas zgjedhjeve të 11 majit. Demalia tha se opozita nuk pranon asgjë dhe nuk bën asnjë të mirë për vendin.
Sipas tij, protestat e Berishës janë si lojërat e fëmijëve dhe se ai dukej si një Putin qesharak, kur në Shqipëri erdhën liderët e Europës për çështje më të mëdha.
Demalia vijoi më tej duke thënë se Berisha ka halle më të mëdha, duke iu referuar çështjeve ligjore lidhur me dosjen Partizani apo atë CEZ-DIA.
“Mendoja 74-78, tani lind pyetja pse shkoi kaq thellë rezultati. Shkoi për arsye se njerëzit kanë kuptuar që opozita është pengesë duke mos sjellë argument, ide por vetëm destruksion në retorikën e saj. Një opozitë që nuk pranon asgjë, nuk bën asnjë marrëveshje për të mirën e vendit, por kur vjen puna për interesin për të ndenjur në opozitë e pranojnë këtë marrëveshje. Kjo opozitë ka një lidership të konsumuar, të diskredituar. Nuk ngjallin asnjë lloj shprese, vetëm neveri kështu që njerëzit menduan t’i japin fund kësaj dhe votuan në atë masë që votuan.
Protestat e Berishës janë bërë si lojërat e fëmijëve, mbas këtyre zgjedhjeve nuk duhet t’i kushtohet më vëmendje Berishës. Do të shkojë dhe në gjyq, ku sipas disa burimeve do hapet dhe çështja e KESH-CEZ DIA. Berisha ka shumë ngarkesa dhe kjo është arsyeja që ai mendon se duke krijuar turbullira mund të largojë vetveten nga problemet që ka.
Protesta të sjell vetëm hilaritet në një kohë që Shqipëria pret liderët e Europës. Berisha, Putin i vogël qesharak, protesta ishte dështim.
Ajo parti për mendimin tim do shkërmoqët më tej. “/e.t
