Në një konferencë të përbashkët me zyrtarë të lartë të drejtësisë italiane, kreu i SPAK Altin Dumani deklaroi se megaoperacioni “Ura” nga SPAK dhe antimafia italiane është arritje, pasi përmes tij u godit një prej grupeve më të fuqishme kriminale në Shqipëri.
Në fjalën e tij, Dumani theksoi rolin e punës së Policisë dhe hetuesve të SPAK në këtë aksion mes dy vendeve.
Dumani falenderoi EUROJUST dhe EUROPOL për kontributin në hetimet e përbashkëta dhe realizimin e këtij aksioni.
“Është arritur tu jepet një goditje një prej grupeve kriminale më të fuqishme në Shqipëri. Ky aksion u mbështet nga hetime të thelluara. Rezultati është dëshmi e qartë e asaj që mund bëjë bashkëpunimi mes institucioneve të dy vendeve. Më lejoni të shpreh vlerësime për Policinë dhe hetuesit e SPAK. Ata kanë dhënë një kontribut të jashtëzakonshëm në realizimin e këtij aksioni. Falenderim për EUROJUST dhe EUROPOL për hetimet në kuadër të kësaj çështjeje dhe skuadre të përbashkët me njësinë e Barit”,-tha Dumani./e.t
