Një deklaratë e Ante Postecoglou në muajin shtator, për shumë muaj është kthyer në tallje ndaj tifozëve të Tottenhamit. Trajneri australian, pas dy humbjeve radhazi në fillimin e sezonit, u thumbua se edhe këtë vit ekipi nuk do të arrinte të fitonte ndonjë gjë.
“Unë gjithmonë fitoj trofe në sezonin tim të dytë. Asgjë nuk ka ndryshuar”, tha asokohe Postecoglou para gazetarëve.
Duke parë formën që tregoi ekipi londinez në kampionat, si dhe eliminimin nga turnetë kombëtare me radhë, kjo deklaratë u kthye në një tallje që përsëritej vazhdimisht. Por sot, me fitoren ndaj Manchester United që i dha Ligën e Europës, Postecoglou respektoi traditën dhe e mbajti premtimin e tij./ D.C
